ట్విట్టర్ లో వరుడు హీరోయిన్ ని బ్లాక్ చేసిన అల్లు అర్జున్
అల్లు అర్జున్ హీరోగా చేసిన వరుడు సినిమాలో హీరోయిన్ గా నటించిన భానుశ్రీ మెహ్రా అందరికీ గుర్తుండే ఉంటుంది. వరుడు సినిమా రిలీజ్ వరకూ, హీరోయిన్ ఫోటోలు బయటపెట్టకుండా అందరికీ సర్పైజ్ చేసారు. వరుడు తర్వాత భానుశ్రీ మెహ్రాకు సరైన అవకాశాలు రాలేదు. డింగ్ డాంగ్ బెల్, గోవిందుడు అందరివాడేలే, అలా ఎలా, రన్ ఇంకా మిస్ ఇండియా చిత్రాల్లో ఆమె కనిపించింది. హీరోయిన్ గా మాత్రం ఆమెకు అవకాశాలు రానే లేదు. దాంతో ప్రస్తుతం యూట్యూబ్ క్రియేటర్ గా మారిపోయింది భానుశ్రీ మెహ్రా. తాజాగా భానుశ్రీ మెహ్రా న్యూస్ లోకి రావడానికికారణం, అల్లు అర్జున్ తనను బ్లాక్ చేయడమే.
ట్విట్టర్ లో వరుడు హీరోయిన్ ని బ్లాక్ చేసిన అల్లు అర్జున్
రెండు గంటల్లోనే అన్ బ్లాక్ చేసిన అల్లు అర్జున్
భాను శ్రీ మెహ్రా, తన యూట్యూబ్ ఛానల్ ని ట్విట్టర్ లో ప్రమోట్ చేస్తూ, అల్లు అర్జున్ హ్యాండిల్ ని ట్యాగ్ చేసేది. ఈ క్రమంలో అల్లు అర్జున్ ఆమెను బ్లాక్ చేసినట్లు వెల్లడి చేసిన భానుశ్రీ మెహ్రా, తనకు ప్రస్తుతం సినిమాల్లో అవకాశాలు లేవనీ, అప్పట్లో వరుడు సినిమాలో నటించాననీ, ప్రస్తుతం కష్టాల్లో నవ్వులను వెతుక్కుంటున్నట్లు తెలిపింది. అయితే భానుశ్రీ మెహ్రా ట్వీట్ చూసాక, రెండు గంటల్లోనే ఆమెను అన్ బ్లాక్ చేసాడు అల్లు అర్జున్. ఆ విషయాన్ని కూడా ట్విట్టర్ లో పోస్ట్ చేసిన హీరోయిన్, తనకు అవకాశాలు రాకపోవడంపై ఎవ్వరినీ నిందించట్లేదనీ, అన్ బ్లాక్ చేసినందుకు థ్యాంక్స్ అని ట్వీట్ చేసింది.