పారితోషికంలో ప్రభాస్ ని మించిపోయిన అల్లు అర్జున్, ఏకంగా వంద కోట్లకు పైనే
ఈ వార్తాకథనం ఏంటి
పుష్ప సినిమాతో పాన్ ఇండియా స్టార్ గా మారిపోయిన అల్లు అర్జున్, తన రెమ్యునరేషన్ ని అమాంతం పెంచేసినట్లు వార్తలు వస్తున్నాయి. తన తర్వాతి చిత్రానికి 120కోట్లు అల్లు అర్జున్ డిమాండ్ చేసినట్లు చెప్పుకుంటున్నారు. ఇటీవల సందీప్ వంగా దర్శకత్వంలో అల్లు అర్జున్ సినిమా ఉంటుందని అధికారికంగా ప్రకటన వచ్చింది. టీ సిరీస్ భూషణ్ కుమార్, భద్రకాళి పిక్చర్స్ ప్రణయ్ రెడ్డి వంగా సంయుక్తంగా ఈ చిత్రాన్ని నిర్మిస్తున్నారు. ఈ సినిమా కోసం అల్లు అర్జున్ 150కోట్లు డిమాండ్ చేసాడట. కానీ మేకర్స్, 120కోట్లకు అల్లు అర్జున్ ని ఒప్పించారని వినిపిస్తోంది. ఈ లెక్కన పాన్ ఇండియా స్టార్ ప్రభాస్ కంటే ఎక్కువ రెమ్యునరేషన్, అల్లు అర్జున్ కే వస్తున్నట్లు చెప్పుకోవచ్చని అంటున్నారు.
అల్లు అర్జున్
పుష్ప 2 మూవీతో బాహుబలి, కేజీఎఫ్ రికార్డులు బద్దలు
అల్లు అర్జున్ తన రెమ్యునరేషన్ ని అంతలా పెంచడం వెనుక పుష్ప సినిమానే కారణమనీ, ఇప్పుడు వచ్చే పుష్ప 2 ద్వారా అల్లు అర్జున్ క్రేజ్ మరింత పెరిగే అవకాశం ఉందనీ, బాహుబలి, కేజీఎఫ్ 2 సినిమాల రికార్డులు పుష్ప 2తో బద్దలవడం ఖాయమని నెటిజన్లు అంటున్నారు. అదే నిజమై, పుష్ప 2 సినిమా బ్లాక్ బస్టర్ అయితే అల్లు అర్జున్ కు 120కోట్లు పారితోషికం ఇవ్వడం సబబేనని చెబుతున్నారు. పుష్ప 2 మూవీ షూటింగ్ శరవేగంగా జరుగుతున్నప్పటికీ ఈ సంవత్సరంలో విడుదలయ్యే అవకాశాలు కనిపించట్లేదు. వచ్చే సంవత్సరం వేసవిలో ప్రేక్షకుల ముందుకు పుష్ప 2ని తీసుకురావాలని ప్లాన్ చేస్తున్నారట.