ప్యార్ లోనా పాగల్ పాటతో రానున్న రవితేజ రావణాసుర
ఈ వార్తాకథనం ఏంటి
ధమాకా, వాల్తేరు వీరయ్య సినిమాతో సూపర్ డూపర్ విజయాలు అందుకున్న రవితేజ, ప్రస్తుతం రావణాసుర సినిమాతో ప్రేక్షకుల ముందుకు వస్తున్నాడు.
ధమాకాతో వందకోట్లు, వాల్తేరు వీరయ్యతో 200కోట్లు కొల్లగొట్టిన రవితేజ మార్కెట్ అమాంతం పెరిగిపోయింది. అందువల్ల రావణాసుర సినిమా మీద అంచనాలు ఎక్కువగా ఉన్నాయి.
ఈ సినిమాలో రవితేజ నెగెటివ్ షేడ్స్ లో కనిపించనున్నాడని అభిమానులు అనుకుంటున్నారు. చిన్నపాటి గ్లింప్స్ వీడియోలో ఎక్కువ రక్తం కనిపించడం, రవితేజ తప్ప ఇంకెవరూ లేకపోవడం, సినిమా పేరు రావణాసుర కావడం వల్ల ఆ విధంగా అనుకుంటున్నట్లుగా తెలుస్తోంది.
రావణాసుర నుండి తాజాగా ఒక అప్డేట్ వచ్చింది. ఇప్పటివరకు ఈ సినిమా నుండి రావణాసుర ఆంథెమ్ విడుదలైంది. ఇప్పుడు సెకండ్ సింగిల్ విడుదలకు రంగం సిద్ధమైంది.
రవితేజ
ధమాకా మ్యూజిక్ డైరెక్టర్ భీమ్స్ సంగీత దర్శకత్వంలో వస్తున్న ప్యార్ లోనా పాగల్
ఫిబ్రవరి 18వ తేదీన ప్యార్ లోనా పాగల్ పూర్తి పాటను రిలీజ్ చేస్తామని చిత్రబృందం ప్రకటించింది. ఈ పాటకు సంగీతాన్ని హర్ష వర్ధన్ రామేశ్వర్, భీమ్స్ సిసిరోలియో ఇద్దరూ సంయుక్తంగా అందించారు.
పాట రిలీజ్ అవుతుందంటూ పోస్టర్ ని వదిలింది బృందం. అందులో రవితేజ లుక్ అదిరిపోయింది. బ్లాక్ సూట్ లో డ్యాన్సింగ్ ఫోజ్ లో అభిమానులను ఉర్రూతలూగించేలా ఉంది. చూస్తుంటే మంచి డాన్స్ నంబర్ లా కనిపిస్తోంది.
అనూ ఇమ్మాన్యూయల్, మేఘా ఆకాష్, ఫారియా అబ్దుల్లా, దక్షా నగర్కార్ ఇంకా పూజిత పొన్నాడ హీరోయిన్లుగా కనిపిస్తున్న ఈ చిత్రాన్ని అభిషేక్ పిక్చర్స్, ఆర్టీ టీమ్ వర్క్స్ సంయుక్తంగా నిర్మిస్తుంది. సుధీర్ వర్మ దర్శకత్వం చేస్తున్నాడు. ఏప్రిల్ 7వ తేదీన రిలీజ్ చేస్తున్నారు.