జైలర్ ఫుల్ మూవీ ఆన్ లైన్ లో లీక్: ఆందోళలో చిత్రబృందం
ఈ వార్తాకథనం ఏంటి
సూపర్ స్టార్ రజనీకాంత్ హీరోగా నటించిన జైలర్ సినిమా బాక్సాఫీస్ వద్ద 600 కోట్ల కలెక్షన్లను వసూలు చేసిన సంగతి తెలిసిందే. ఆగస్టు 10వ తేదీన రిలీజ్ అయిన ఈ చిత్రం ఇప్పటికి కూడా బాక్సాఫీస్ వద్ద కలెక్షన్ల వరద పారిస్తోంది.
థియేటర్లలో జైలర్ సినిమా ఇంకా ఉండగానే ఆన్ లైన్లో ఫుల్ మూవీ లీక్ అయ్యింది. దీంతో జైలర్ మేకర్స్ ఆందోళన వ్యక్తం చేస్తున్నారు.
ఓటీటీ విడుదలకు ఇంకా సమయం ఉండగానే ఆన్ లైన్ లో హెచ్ డి ప్రింట్ తో జైలర్ మూవీ అందుబాటులో ఉండడం అందరినీ ఆశ్చర్యానికి గురిచేస్తుంది.
Details
100కోట్లకు జైలర్ ఓటీటీ హక్కులు
హెచ్ డి ప్రింట్ ఆన్ లైన్ లో అందుబాటులో ఉండడం వల్ల జైలర్ మూవీ ఓటిటి హక్కులను సొంతం చేసుకున్న నెట్ ఫ్లిక్స్ యాజమాన్యానికి నష్టాలు తప్పవని అంటున్నారు.
ఓటీటీలో విడుదల కాకముందే ఆన్ లైన్ లో హెచ్ డి ప్రింట్ అందుబాటులోకి రావడం విచిత్రంగా ఉందని నెటిజన్లు కామెంట్లు చేస్తున్నారు.
ఈ విషయమై ప్రముఖ ట్రేడ్ పండితుడు మనోబాల విజయ బాలన్ తన ట్విట్టర్ అకౌంట్ ద్వారా ఆందోళన వెలిబుచ్చారు.
అదలా ఉంచితే, జైలర్ సినిమా ఓటీటీ హక్కులను నెట్ ఫ్లిక్స్ 100 కోట్ల రూపాయలకు సొంతం చేసుకుందని టాక్.