జైలర్ సినిమాలో ఆ సీన్ తొలగించమని ఢిల్లీ హైకోర్టు ఆదేశాలు
ఈ వార్తాకథనం ఏంటి
రజనీకాంత్ నటించిన జైలర్ సినిమా బాక్సాఫీస్ వద్ద దుమ్ము దులుపుతోంది. నెల్సన్ దిలీప్ కుమార్ దర్శకత్వం వహించిన ఈ సినిమా అటు తమిళంలోనూ ఇటు తెలుగులోనూ వసూళ్ల సునామీని సృష్టిస్తోంది.
అయితే ప్రస్తుతం జైలర్ సినిమా బృందానికి ఢిల్లీ హైకోర్టు ఆదేశాలు జారీ చేసింది. జైలర్ సినిమాలో ఒకానొక సన్నివేశంలో రాయల్ చాలెంజర్స్ బెంగళూరు జెర్సీ ధరించిన విలన్ పాత్ర, మహిళల గురించి అసభ్యంగా మాట్లాడుతుంది.
ఈ విషయమై రాయల్ చాలెంజర్స్ బెంగళూరు టీం ప్రతినిధులు కోర్టును ఆశ్రయించారు. తమ అనుమతి లేకుండా సినిమాలో తమ జెర్సీని ఉపయోగించారని కోర్టును ఆశ్రయించింది.
Details
డిజిటల్, టీవీల్లో కనిపించకూడదని ఆదేశాలు
కోర్టుకు హాజరైన జైలర్ టీం, సినిమాలోని జెర్సీ ధరించిన విలన్ తాలూకు సన్నివేశాన్ని సవరిస్తామని తెలియజేసింది.
అలాగే డిజిటల్ ప్లాట్ ఫామ్, టెలివిజన్ మొదలగు వాటిలో రాయల్ ఛాలెంజర్స్ బెంగళూరు జెర్సీ కనిపించకుండా చర్యలు తీసుకుంటామని ఆ సన్నివేశాన్ని తొలగిస్తామని తెలియజేసింది.
రాయల్ ఛాలెంజర్స్ బెంగళూరు జెర్సీ కనిపించే ఆ సీన్ ని సెప్టెంబర్ 1వ తేదీలోగా తొలగించాలని కోర్టు ఆదేశాలు జారీ చేసింది.
జైలర్ సినిమాలో తమన్నా హీరోయిన్ గా కనిపించింది. కీలక పాత్రలో మోహన్ లాల్, శివరాజ్ కుమార్ జాకీష్రాఫ్ కనిపించారు.