Lokesh Kanagaraj : కథ చెప్పగానే రజనీ కౌగిలించుకున్నారు.. డైరెక్టర్ ఆసక్తికర వ్యాఖ్యలు
'ఖైదీ', 'విక్రమ్‌' సినిమాలతో దర్శకుడు లోకేష్ కనగరాజ్ కనీవినీ ఎరుగని విజయాలను అందుకున్నారు. యాక్షన్, ఎమోషనల్‌ కథాంశాలతో బాక్సాఫీస్'ను బద్దలుకొట్టారు. ఇటీవలే విజయ్ దళపతితో కలిసి 'లియో' సినిమా చేశారు. వసూళ్ల పరంగా ఈ సినిమా సైతం భారీగా కలెక్షన్స్ రాబట్టింది. తాజాగా తమిళ సూపర్ స్టార్ రజనీకాంత్'తో కలిసి ఓ సినిమా చేస్తున్నారు. 'తలైవా 171' అనే వర్కింగ్ టైటిల్'తో తెరకెక్కుతోంది. ఈ మేరకు 'తలైవా 171' సినిమాకు సంబంధించి దర్శకుడు లోకేష్ కనగరాజ్ ఆసక్తికరమైన విషయాలను పంచుకున్నారు. ఈ సినిమా స్క్రిప్ట్ విని తలైవా చాలా సంతోషించారన్నారు. వాస్తవానికి అనిరుధ్'తో కలిసి వెళ్లి రజనీకి కథ వినిపించానన్నారు.
కమల్ హాసన్ సైతం ఫోన్ చేసి మరీ అభినందించారు : లోకేశ్ కనగరాజ్
స్టోరీ విన్న తర్వాత ఆయన లేచి వచ్చి తనను కౌగిలించుకున్నారన్నారు. అనంతరం ఆల్ ది బెస్ట్ చెప్పారన్నారు. ఇక రజనీ సైతం గ్రీన్ సిగ్నల్ ఇవ్వడంతో చాలా సంతోషం కలిగిందని వివరించారు. ఈ సినిమా షూటింగ్ వచ్చే ఏప్రిల్ నెలలో ప్రారంభం కానున్నట్లు లోకేష్ తెలిపారు. ఈ క్రమంలోనే కమల్ హాసన్ తనకు ఫోన్ చేసి అభినందించినట్లు పేర్కొన్నారు. ప్రస్తుతం ఈ సినిమాకు సంబంధించిన ప్రీ ప్రొడక్షన్ పనులు కొనసాగుతున్నాయి. ఏప్రిల్ 2024 వరకు ఈ పనులు పూర్తి అవుతాయి. పూర్తిగా యాక్షన్ సినిమాగా ఈ చిత్రం తెరకెక్కనుంది. చాలా ఏళ్ల తర్వాత రజనీ ఇలాంటి సినిమా చేస్తున్నారు. బాలీవుడ్ స్టార్ హీరో రణబీర్ సింగ్' కథ వినేందుకు అంగీకరించినట్లు తెలుస్తోంది.
