Upasana: క్లీన్‌కారా ముఖాన్ని అందుకే చూపించలేదు : ఉపాసాన
ఈ వార్తాకథనం ఏంటి
గ్లోబల్ స్టార్ రామ్ చరణ్, ఉపాసన దంపతుల కుమార్తె క్లీన్‌కారాను చూడటానికి మెగా అభిమానులు వేచి చూస్తున్నారు. పాప పుట్టినప్పటి నుంచీ ఆమె ముఖాన్ని బయట ప్రపంచానికి చూపించకపోవడం, అనేక ఊహాగానాలకు దారి ఇచ్చింది. తాజాగా ఉపాసన ఓ కార్యక్రమంలో ఈ నిర్ణయానికి కారణాన్ని వివరించారు. ఆమె వ్యాఖ్యలు ప్రస్తుతం సోషల్ మీడియాలో వైరల్ అవుతున్నాయి. ఉపాసన మాట్లాడుతూ ప్రపంచం చాలా వేగంగా మారుతోంది. ఎప్పుడు ఏం జరుగుతుందో ఊహించలేము. కొన్ని సంఘటనలు తల్లిదండ్రులుగా నన్ను, చరణ్‌ను చాలా భయపెట్టాయి. అందుకే మా పాపకు స్వేచ్ఛ ఇవ్వాలని నిర్ణయించుకున్నామని తెలిపారు.
Details
అవసరం కాబట్టే అలా చేశాం
ఎయిర్‌పోర్ట్ వంటి స్థానాల్లో కూడా పాప ముఖానికి మాస్క్ వేయడం పెద్ద పని అయినా, అవసరం కాబట్టి చేశామని పేర్కొన్నారు. మేము చేస్తున్నది సరైన పనేనా? కాదా? అనే సందేహాలు ఉన్నప్పటికీ, పాప ముఖాన్ని దాచడం వల్ల చరణ్, నేను సంతోషంగా ఉన్నాం. ప్రస్తుతానికి క్లీన్‌కారా ముఖాన్ని చూపించాలని యోచించడం లేదని స్పష్టం చేశారు. రామ్ చరణ్, ఉపాసన 2012లో వివాహం చేసుకున్నారు. పెళ్లయిన 11 ఏళ్ల తర్వాత, 2023 జూన్ 20న క్లీన్‌కారా జన్మించింది. పాప పుట్టినప్పటి నుంచీ ఫొటోలను పోస్టు చేస్తున్నా, ముఖం కనిపించకుండా జాగ్రత్త పాటిస్తున్నారు. మొదటి పుట్టినరోజు సందర్భంగా కూడా ముఖం చూపించకపోవడంతో, అభిమానులు మరోసారి నిరాశ చెందారు.