రామ్ చరణ్ కు గాయాలు: వాయిదా పడ్డ గేమ్ ఛేంజర్ షూటింగ్
ఈ వార్తాకథనం ఏంటి
ఆర్ఆర్ఆర్ సినిమా తర్వాత శంకర్ దర్శకత్వంలో గేమ్ ఛేంజర్ అనే సినిమాలో రామ్ చరణ్ నటిస్తున్నాడు.
ఆర్ఆర్ఆర్ సినిమా విడుదలకు ముందే గేమ్ ఛేంజర్ సినిమా షూటింగ్ మొదలైంది. ఆర్ఆర్ఆర్ తర్వాత చాలా తొందరగా ఈ సినిమాను ప్రేక్షకుల ముందు తేవాలని రామ్ చరణ్ నిర్ణయించుకున్నాడు.
కానీ అనేక కారణాలవల్ల ఈ సినిమా షూటింగ్ ఆలస్యం అవుతూ వస్తోంది.
తాజాగా మరోసారి గేమ్ ఛేంజర్ సినిమా షూటింగుకు బ్రేకులు పడ్డాయని చిత్ర బృందం వెల్లడి చేసింది.
కొంతమంది ఆర్టిస్టులు అందుబాటులో లేకపోవడం వల్ల గేమ్ ఛేంజర్ సెప్టెంబర్ షెడ్యూల్ ని క్యాన్సిల్ చేస్తున్నట్లు శ్రీ వెంకటేశ్వర క్రియేషన్స్ ట్విట్టర్ వేదికగా తెలియజేసింది.
Details
రామ్ చరణ్ కు గాయాలు కావడమే అసలు కారణం?
ఆర్టిస్టులు అందుబాటులో లేకపోవడం అనేది అసలు కారణం కాదని, షూటింగ్ లో రామ్ చరణ్ కు గాయాలు కావడమే షెడ్యూల్ క్యాన్సిల్ కావడానికి కారణమని సోషల్ మీడియాలో వార్తలు వస్తున్నాయి.
గేమ్ ఛేంజర్ షూటింగ్ లో రామ్ చరణ్ ముఖానికి చిన్నగా గాయాలయ్యాయని, దానివల్ల పది రోజులపాటు విశ్రాంతి తీసుకోవాలని వైద్యులు సూచించారని సమాచారం.
గాయం చిన్నది కావడంతో పది రోజుల రెస్ట్ సరిపోతుందని, అక్టోబర్ రెండవ వారంలో మళ్లీ షూటింగ్ మొదలవుతుందని తెలుస్తోంది.
కియారా అద్వానీ హీరోయిన్ గా కనిపిస్తున్న గేమ్ ఛేంజర్ సినిమాలో, అంజలి, సునీల్, శ్రీకాంత్, ఎస్.జే సూర్య కీలక పాత్రల్లో కనిపిస్తున్నారు.