యాంకర్ సుమ గొంతు పట్టుకుని బెదిరించిన హీరో గోపీచంద్
ఈ వార్తాకథనం ఏంటి
యాంకర్ అన్న పదానికి పర్యాయ పదంగా మారిన సుమ, ప్రతీరోజు ఏదో ఒక షో ద్వారా ప్రేక్షకులకు కనిపిస్తూనే ఉంటారు.
తెలుగు టెలివిజన్ చరిత్రలో సుమకు ఉన్న పాపులారిటీ మరో యాంకర్ లేదని బల్లగుద్ది చెప్పవచ్చు. తాజాగా సుమ నిర్వహించే ఒక షోలోకి రామబాణం సినిమా టీమ్ అతిధులుగా వచ్చారు.
హీరో గోపీచంద్, హీరోయిన్ డింపుల్ హయాతి, గెటప్ శ్రీను, దర్శకుడు శ్రీవాస్.. సుమ హోస్ట్ గా ఉన్న షోలోకి వచ్చారు. ఈ షో తాలూకు ప్రోమో విడుదలై వైరల్ గా మారింది.
ఎందుకంటే ప్రోమో చివర్లో, హీరో గోపీచంద్, సుమ గొంతు పట్టుకుని బెదిరిస్తున్నట్టుగా కనిపిస్తాడు. దానికి కారణం ఏమై ఉంటుందని సోషల్ మీడియాలో చర్చలు నడుస్తున్నాయి.
Details
జయం స్పూఫ్ చేయించిన యాంకర్ సుమ
తను నిర్వహించే షోస్ లో రకరకాల గేమ్స్ ఆడించే సుమ, గోపీచంద్ విలన్ గా కనిపించిన జయం సినిమా స్పూఫ్ ని చేయించిందని సమాచారం.
జయం సినిమాలో హీరోయిన్ సదాఫ్ ని బెదిరిస్తూ గొంతు పట్టుకుని అర్థమైందా, అర్థమైందా అంటూ డైలాగ్ చెప్తాడు గోపీచంద్. ఆ సీన్ ని రీక్రియేట్ చేసే క్రమంలో సుమ గొంతు పట్టుకున్నాడని అంటున్నారు.
రామబాణం సినిమా ట్రైలర్ కు ప్రేక్షకుల నుండి మంచి స్పందన వచ్చింది. మే 5న ప్రపంచ వ్యాప్తంగా సినిమాను రిలీజ్ చేస్తున్నారు.
హీరో గోపీచంద్, దర్శకుడు శ్రీవాస్ కాంబినేషన్లో వస్తున్న మూడవ చిత్రమిది. గతంలో లక్ష్యం, లౌక్యం సినిమాలతో వీరిద్దరూ మంచి విజయాలు అందుకున్నారు.