Rapo 22: రామ్ సరసన భాగ్యశ్రీ బోర్సే.. అఫీషియాల్ గా ప్రకటించిన మేకర్స్
ఈ వార్తాకథనం ఏంటి
అగ్ర నిర్మాణ సంస్థ మైత్రీ మూవీ మేకర్స్, ఫీల్ గుడ్, క్రేజీ ఎంటర్‌టైనర్‌గా ఉస్తాద్ రామ్ పోతినేని హీరోగా #RAPO22 చిత్రాన్ని ప్రొడ్యూస్ చేస్తోంది.
'మిస్ శెట్టి మిస్టర్ పోలిశెట్టి' విజయం తరువాత, ఈ చిత్రం మహేష్ బాబు. పి దర్శకత్వంలో తెరకెక్కుతోంది.
నవీన్ యెర్నేని, రవిశంకర్ యలమంచిలి ఈ సినిమాని నిర్మిస్తున్నారు.
గురువారం పూజా కార్యక్రమాలతో చిత్రం శుభారంభం కానుంది. ఇది రామ్ పోతినేని కెరీర్లో 22వ చిత్రం.
తాజాగా విడుదలైన ఆడియో-విజ్యువల్ పోస్టర్ ద్వారా సినిమా పట్ల ప్రేక్షకుల్లో భారీ క్యూరియాసిటీ ఏర్పడింది.
అటు ఫ్యాన్స్ కూడా ఈ సినిమాతో రామ్ స్ట్రాంగ్ కమ్ బ్యాక్ ఇవ్వాలని ఆశిస్తున్నారు.
వివరాలు
రామ్,భాగ్యశ్రీ జంటగా నటిస్తున్న మొదటి చిత్రం
ఈ చిత్రంలో హీరోయిన్గా యంగ్ అండ్ హ్యాపెనింగ్ బ్యూటీ భాగ్యశ్రీ బోర్సే ఎంపికయ్యారు.
''మిస్టర్ బచ్చన్'' సినిమా ద్వారా టాలీవుడ్ పరిశ్రమలో ఎంట్రీ ఇచ్చిన భాగ్యశ్రీ,తన మొదటి సినిమాతో గ్లామర్,యాక్టింగ్‌లో మంచి గుర్తింపు పొందారు.
రామ్,భాగ్యశ్రీ జంటగా నటిస్తున్న మొదటి చిత్రం ఇది. వీరి కెమిస్ట్రీ సినిమాకు హైలైట్‌గా మారే అవకాశం ఉంది.
'మిస్ శెట్టి మిస్టర్ పోలిశెట్టి'తో, మహేష్ బాబు. పి దశకనవీన వినోదాన్ని, లోతైన సందేశాన్ని అందించారు.
ఈ కొత్త చిత్రం కూడా యూత్, ఫ్యామిలీ ప్రేక్షకులు నచ్చే కథతో రూపొందించబడనుంది.
నవంబర్ 21న పూజా కార్యక్రమం తర్వాత, ఇతర నటీనటులు, సాంకేతిక నిపుణుల వివరాలు విడుదల చేయబడతాయి. త్వరలోనే రెగ్యులర్ షూటింగ్ ప్రారంభమవుతుంది.