కేజీఎఫ్ 3పై తన మనసులోని మాటను బయట పెట్టిన రవీనా టాండన్
ఈ వార్తాకథనం ఏంటి
కన్నడ చిత్ర పరిశ్రమ నుండి వచ్చిన కేజీఎఫ్-1, 2 చిత్రాలు భారతదేశం అంతటా భారీ విజయాన్ని అందుకున్నాయి. ఈ సినిమాతో దర్శకుడు ప్రశాంత్ నీల్, స్టార్ డైరెక్టర్ గా మారిపోయాడు.
కేజీఎఫ్ రెండు ఛాప్టర్లు మంచి విజయం అందుకోవడంతో కేజీఎఫ్ 3వ ఛాప్టర్ కూడా ఉండవచ్చని అందరిలోనూ అనుమానం కలిగింది.
ఆ అనుమానాలకు బలం చేకూరుస్తూ, కేజీఎఫ్ ఛాప్టర్ 2 రిలీజైన్ ఏడాది పూర్తయిన సందర్భంగా.. చిత్ర నిర్మాణ సంస్థ ఒక వీడియోను విడుదల చేస్తూ, 1978-81ప్రాంతాల్లో రాకీభాయ్ ఎక్కడున్నాడని ప్రశ్న వేసింది.
ఈ నేపథ్యంలో కేజీఎఫ్ మూడవ ఛాప్టర్ ఉంటుందని అభిమానులు కన్ఫామ్ చేసుకున్నారు. తాజాగా బాలీవుడ్ నటి రవీనా టాండన్ కేజీఎఫ్ 3 గురించి మాట్లాడింది.
Details
కేజీఎఫ్ 3 కోసం ఎదురుచూపులు
కేజీఎఫ్ ఛాప్టర్ 2 లో ప్రధానమంత్రి రమికా సేన్ పాత్రలో కనిపించిన రవీనా టాండన్, తాజాగా ఒకానొక ఇంటర్వ్యూలో మాట్లాడుతూ, కేజీఎఫ్ దర్శకుడు ప్రశాంత్ నీల్ ప్రై ప్రశంసలు కురిపించింది.
సినిమాలోని ప్రతీ సీన్ ను పర్ఫెక్ట్ గా వివరిస్తాడని అంది. అలాగే కేజీఎఫ్ 3 సినిమా కోసం ఎంతగానో ఎదురుచూస్తున్నానని, కేజీఎఫ్ టీమ్ తో కలిసి పనిచేయడం తనకు చాలా ఆనందాన్ని ఇచ్చిందని ఆమె అన్నారు.
అదే ఇంటర్వ్యూలో టెలివిజన్ కార్యక్రమాల్లో మహిళల పాత్ర గురించి మాట్లాడుతూ, సీరియల్స్ లో మహిళలదే హవా నడుస్తుందనీ, పారితోషికం మహిళలే పైచేయి సాధిస్తున్నారని, సినిమా రంగంలో మరికొన్ని రోజుల్లో మార్పు వస్తుందని అంది.