Renu Desai: '16 రోజుల పండుగ' చిత్రంతో టాలీవుడ్ లో రేణు దేశాయ్ రీ ఎంట్రీ?
ఈ వార్తాకథనం ఏంటి
పవన్ కళ్యాణ్ మాజీ భార్య,ఒకప్పటి ఫేమస్ హీరోయిన్‌ రేణు దేశాయ్ ఈ మధ్యకాలంలో సినిమాల్లో రీఎంట్రీ ఇచ్చిన సంగతి తెలిసిందే. ఆమె నటించిన 'టైగర్ నాగేశ్వరరావు' చిత్రం పెద్ద విజయం సాధించకపోవడంతో, ఆమె ఇక సినిమాల్లో నటించకపోవచ్చు అనే అంచనాలు ఎక్కువయ్యాయి. అయితే ఇటీవలే ఆమె ఒక కామెడీ ఎంటర్‌టైనర్‌లో నటించేందుకు ఒప్పుకున్నట్లు వార్తలు వినిపించాయి. ఒక చిన్న సినిమా అయినా తన పాత్ర నచ్చడంతో ఆమె ఒప్పుకున్నారని అందరూ భావించారు. ఆ చిత్రం పేరు '16 రోజుల పండుగ'. టాలీవుడ్‌లో పేరు గాంచిన నిర్మాత డి.ఎస్. రావు కుమారుడు కృష్ణ దమ్మాలపాటి హీరోగా కనిపిస్తున్న ఈ సినిమాను దర్శకుడు సాయికిరణ్ అడవి తెరకెక్కిస్తున్నారు.
వివరాలు
ప్రధాన పాత్రలో రేణు దేశాయ్
ప్రస్తుతం ఈ సినిమాలో రేణు దేశాయ్ మరోసారి ప్రధాన పాత్రలో నటిస్తున్నారని తెలిసింది. ఆమెతో పాటు అనసూయ, కృష్ణుడు, పార్వతీశం, 'కేరింత' భావన, సత్య కృష్ణ తదితరులు ఇతర ముఖ్య పాత్రల్లో కనిపించనున్నారు. ఇక, ఈ సినిమాకి సంబంధించిన పూర్తి వివరాలు లాంచ్ తర్వాత వెల్లడించే అవకాశం ఉంది ఈ సినిమా ఈరోజే లాంచ్ అవుతుంది. రేణు దేశాయ్ కూడా ఆ కార్యక్రమంలో హాజరయ్యే అవకాశముందని చిత్రబృందం తెలిపింది. మొత్తం మీద, రేణు దేశాయ్ మరో సినిమాకి గ్రీన్ సిగ్నల్ ఇవ్వటం హాట్ టాపిక్ అవుతోంది.