ఫోటోను క్రాప్ చేసి షేర్ చేసారు.. పెళ్ళి ఫోటోపై సాయి పల్లవి స్ట్రాంగ్ రిప్లై
ఈ వార్తాకథనం ఏంటి
సోషల్ మీడియాలో సెలబ్రిటీల మీద అనేక రూమర్స్ వస్తుంటాయి. అలాంటి రూమర్స్ హీరోయిన్ సాయి పల్లవి కూడా గతంలో చాలా వచ్చాయి.
కానీ గత రెండు రోజులుగా సాయి పల్లవి పెళ్లి అయిపోయిందని, తమిళ దర్శకుడు రాజ్ కుమార్ పెరియార్ స్వామితో ఆమె వివాహం అయ్యిందని, అందుకు సంబంధించిన పెళ్లి ఫోటో ఇదేనంటూ సోషల్ మీడియాలో ఒకానొక ఫోటో వైరల్ అయింది.
ఆ ఫోటోలో సాయి పల్లవి, రాజ్ కుమార్ పెరియార్ స్వామి మెడలో దండలు కనిపించడంతో చాలామంది ఇది నిజమని అనుకున్నారు. తాజాగా ఈ విషయంపై సాయి పల్లవి ఘాటుగా స్పందించారు.
Details
కావాలనే చేసారంటూ సాయి పల్లవి కామెంట్స్
ఎక్స్ (ట్విట్టర్) వేదికగా సోషల్ మీడియాలో వైరల్ అవుతున్న పెళ్లి ఫోటోపై స్పందించిన సాయి పల్లవి ఇలా మాట్లాడారు.
సాధారణంగా తనపై వచ్చే రూమర్స్ ని తాను పట్టించుకోను, కానీ తన కుటుంబ సభ్యులను, స్నేహితులను ఇబ్బందికి గురిచేస్తున్న ఈ రూమర్ పై స్పందించాల్సి వస్తోందన్నారు.
ఒక సినిమా పూజా కార్యక్రమానికి సంబంధించిన ఫోటోను క్రాప్ చేసి, కావాలనే వైరల్ చేశారని పల్లవి స్పష్టం చేశారు.
సినిమా అప్డేట్‌లకు సంబంధించిన విషయాలను పంచుకోవాల్సిన తాను ఈరోజు ఇలాంటి అనవసరమైన విషయం గురించి షేర్ చేయాల్సి వస్తోందన్నారు.
ఇలాంటి చర్యకు పాల్పడడం అత్యంత నీచం అంటూ సాయి పల్లవి స్పందించారు.