Sai Pallavi: ఖాకీ డ్రెస్‌లో సాయి పల్లవి మాస్ అవతారం.. 'ఓం' గ్లింప్స్‌తో సోషల్ మీడియా షేక్!
ఈ వార్తాకథనం ఏంటి
న్యాచురల్ బ్యూటీ సాయి పల్లవిని ఇప్పటివరకు ఎక్కువగా పక్కింటి అమ్మాయిలా, భావోద్వేగాలతో కూడిన పాత్రల్లో చూసిన ప్రేక్షకులకు ఇప్పుడు సరికొత్త అవతారం పరిచయం కానుంది. 'అమరన్' ఫేమ్ దర్శకుడు రాజ్‌కుమార్ పెరియసామి, హీరో ధనుష్ కాంబినేషన్‌లో తెరకెక్కుతున్న భారీ చిత్రం 'ఓం' (OM) నుంచి తాజాగా విడుదలైన గ్లింప్స్ ప్రేక్షకులను ఆకట్టుకుంటోంది. 'ఓం స్పెషల్ డ్యూటీ' పేరుతో విడుదల చేసిన ఈ చిన్న వీడియోలో సాయి పల్లవి పవర్‌ఫుల్ పోలీస్ ఆఫీసర్‌గా కనిపించి అభిమానులను ఆశ్చర్యపరిచారు. ఆమె లుక్, యాక్షన్ సన్నివేశాలు, డైలాగ్స్ ప్రస్తుతం సోషల్ మీడియాలో చర్చనీయాంశంగా మారాయి.
వివరాలు
ఐపీఎస్ అధికారిణి నిత్యారెడ్డిగా సాయి పల్లవి
ఈ గ్లింప్స్‌లో సాయి పల్లవి ఆంధ్రప్రదేశ్ కేడర్‌కు చెందిన ఫైర్‌బ్రాండ్ ఐపీఎస్ అధికారిణి 'నిత్యారెడ్డి' పాత్రలో కనిపిస్తున్నారు.
తొలుత ఏపీ పోలీస్ విభాగంలో అసిస్టెంట్ ఎస్పీగా బాధ్యతలు నిర్వర్తించిన ఆమె.. ఆ తర్వాత ఇంటర్‌పోల్‌తో కలిసి పనిచేసేందుకు సీబీఐ అడిషనల్ ఎస్పీగా రంగంలోకి దిగినట్లు కథలో చూపించారు.
ఇప్పటివరకు సాఫ్ట్, ఎమోషనల్ పాత్రలతో ప్రేక్షకులను ఆకట్టుకున్న సాయి పల్లవి.. ఈ సినిమాలో మాత్రం యాక్షన్‌తో కూడిన పోలీస్ పాత్రలో సరికొత్తగా కనిపించబోతున్నారు.
వివరాలు
ఎర్రచందనం స్మగ్లింగ్‌పై స్పెషల్ ఆపరేషన్
నాయుడుపేటకు చెందిన నిత్యారెడ్డి.. అటవీ శాఖలో విధులు నిర్వర్తిస్తూ ప్రాణాలు కోల్పోయిన శ్రీధర్ రెడ్డి కుమార్తెగా పరిచయమవుతున్నారు.
ఆంధ్రప్రదేశ్‌లోని శేషాచలం అడవుల నుంచి అక్రమంగా తరలిస్తున్న ఎర్రచందనం స్మగ్లింగ్ నెట్‌వర్క్‌ను పూర్తిగా నిర్మూలించడమే ఆమె లక్ష్యంగా కనిపిస్తోంది.
ఈ అక్రమ రవాణాను అడ్డుకునేందుకు నిత్యారెడ్డి చేపట్టే ప్రత్యేక ఆపరేషన్ చుట్టూ సినిమా కథ సాగనున్నట్లు గ్లింప్స్ ద్వారా అర్థమవుతోంది.
ఈ సందర్భంగా సాయి పల్లవి చెప్పిన డైలాగ్స్ ప్రత్యేక ఆకర్షణగా నిలిచాయి.
ప్రకృతికి వ్యతిరేకంగా జరిగే నేరమిది.. మన ఏపీ ఎర్ర బంగారంపై జరుగుతున్న దోపిడీ ఇది. ఈ రోజు గుర్తుపెట్టుకోండి.. స్మగ్లర్ల నెట్‌వర్క్ మొత్తాన్ని లేపేయడమే మన లక్ష్యం.
వివరాలు
గన్ పట్టి రంగంలోకి దిగిన సాయి పల్లవి
ఈ ఆపరేషన్‌ను నేనే లీడ్ చేస్తున్నా, దీని పేరు 'ఓం' (OM)" అంటూ ఆమె చెప్పిన డైలాగ్స్ పాత్రలోని తీవ్రతను తెలియజేస్తున్నాయి.
గ్లింప్స్‌లో జీపు దిగి గన్ గురిపెట్టే సన్నివేశంతో పాటు స్మగ్లర్లతో తలపడే యాక్షన్ సీన్స్‌లో సాయి పల్లవి చూపించిన దూకుడు అభిమానులను ఆకట్టుకుంటోంది.
ఆమెను ఇలాంటి పవర్‌ఫుల్ అవతారంలో చూడటం కొత్త అనుభూతినిస్తోందని ఫ్యాన్స్ కామెంట్స్ చేస్తున్నారు.
ఈ యాక్షన్ సన్నివేశాలు వెండితెరపై మరింత ప్రభావవంతంగా ఉంటాయని ప్రేక్షకులు అంచనా వేస్తున్నారు.
వివరాలు
ధనుష్, మమ్ముట్టితో కలిసి..
ఈ చిత్రంలో ధనుష్, మలయాళ దిగ్గజ నటుడు మమ్ముట్టి, సాయి పల్లవి కలిసి నటిస్తున్నారు. వీరి కలయిక సినిమాపై అంచనాలను పెంచుతోంది.
మరోవైపు సాయి అభ్యంకర్ అందించిన బ్యాక్‌గ్రౌండ్ మ్యూజిక్ గ్లింప్స్‌లోని యాక్షన్ సన్నివేశాలకు మరింత బలాన్ని చేకూర్చింది.
విజువల్స్, డైలాగ్స్, సంగీతం కలిసొచ్చి ఈ వీడియోను ఆకర్షణీయంగా మార్చాయి.
వివరాలు
ఎర్రచందనం స్మగ్లింగ్ నేపథ్యంలో భారీ సినిమా
ఎర్రచందనం అక్రమ రవాణా నేపథ్యంలో రూపొందుతున్న 'ఓం' సినిమాపై గ్లింప్స్ విడుదలతో ఆసక్తి మరింత పెరిగింది.
స్మగ్లర్ల నెట్‌వర్క్‌ను ఛేదించే పోలీస్ ఆపరేషన్, సాయి పల్లవి పవర్‌ఫుల్ పాత్ర, ధనుష్-మమ్ముట్టి వంటి ప్రముఖ నటుల భాగస్వామ్యం ఈ సినిమాకు ప్రధాన ఆకర్షణలుగా నిలుస్తున్నాయి.
ఈ చిత్రం బాక్సాఫీస్ వద్ద సంచలనం సృష్టిస్తుందని అభిమానులు ఆశాభావం వ్యక్తం చేస్తున్నారు. సాయి పల్లవి కొత్త అవతారం సినిమాలో ఏ స్థాయిలో ఆకట్టుకుంటుందో చూడాలి.