ఎట్టకేలకు సలార్ విడుదల వాయిదాపై స్పందించిన మేకర్స్.. కొత్త విడుదల తేదీ ఎప్పుడంటే?
పాన్ ఇండియా స్టార్ ప్రభాస్, ప్రశాంత్ నీల్ కాంబినేషన్లో రూపొందుతున్న సలార్ చిత్రం సెప్టెంబర్ 28న విడుదలవుతుందని గతంలో ప్రకటించారు. కానీ సడెన్ గా సలార్ సినిమా సెప్టెంబర్ 28వ తేదీన విడుదల కావడం లేదంటూ అనేక వార్తలు వచ్చాయి. విచిత్రమేంటంటే, దీనిపై సలార్ మేకర్స్ స్పందించలేదు. తాజాగా హోంబలే ఫిలిమ్స్ విడుదల వాయిదాపై స్పందించింది. అనివార్య కారణాల వల్ల సెప్టెంబర్ 28న సలార్ సినిమాను థియేటర్లలోకి తీసుకు రాలేకపోతున్నామని, అందుకు చింతిస్తున్నామని తెలియజేసింది. కొత్త విడుదల తేదీని మరికొద్ది రోజుల్లో ప్రకటిస్తామని తెలియజేసారు. సలార్ సినిమాలో శృతి హాసన్ హీరోయిన్ గా నటిస్తున్నారు. జగపతి బాబు, ఈశ్వరి రావు మలయాళీ నటుడు పృథ్వీరాజ్ సుకుమారన్ ప్రధాన పాత్రల్లో కనిపిస్తున్నారు.
