Salman Khan: మాతృభూమికోసం గాయకుడిగా మారిన సల్లూభాయ్
ఈ వార్తాకథనం ఏంటి
హీరోగా తెరపై అలరించే సల్మాన్‌ ఖాన్‌ ఇప్పుడు మరోసారి తన గొంతుతో అభిమానులను ఆకట్టుకునేందుకు సిద్ధమయ్యాడు. ఆయన కథానాయకుడిగా నటిస్తున్న తాజా చిత్రం 'మాతృభూమి' నుంచి 'తేరి సెక్సీ బ్యూటీ' పాట విడుదలైంది. ఈ గీతాన్ని సల్మాన్‌ స్వయంగా ఆలపించడం విశేషం. ఇప్పటికే ఈ సినిమా టైటిల్‌, కథాంశంపై ఆసక్తి నెలకొనగా.. ఇప్పుడు సల్మాన్‌ పాట రూపంలోనూ ప్రేక్షకుల ముందుకు రావడంతో అభిమానుల్లో చర్చ మొదలైంది. 'మే వార్‌ రెస్ట్‌ ఇన్‌ పీస్‌' (యుద్ధం శాంతితో నిద్రపోవుగాక) అనే ట్యాగ్‌లైన్‌ సినిమాపై మరింత ఆసక్తిని పెంచుతోంది.
Details
ముస్కాన్‌తో కలిసి సల్మాన్‌ గానం
'తేరి సెక్సీ బ్యూటీ' పాటను సల్మాన్‌ ఖాన్‌, గాయని ముస్కాన్‌ కలిసి ఆలపించారు.
ఈ గీతానికి హిమేష్‌ రేషమియా స్వరాలు సమకూర్చగా, సాజిద్‌ ఖాన్‌ సంగీతంతో పాటు సాహిత్య బాధ్యతలు కూడా చేపట్టారు.
ప్రముఖ కొరియోగ్రాఫర్‌ సీజర్‌ గోన్సాల్వెస్‌ పాటకు నృత్యరీతులు రూపొందించారు.
సల్మాన్‌ ఈ పాట విడుదల విషయాన్ని సోషల్‌ మీడియా ద్వారా అభిమానులతో పంచుకున్నారు. రికార్డింగ్‌ స్టూడియోలో ఉన్న వీడియో క్లిప్‌ను కూడా జతచేశారు.
దీంతో పాట విడుదలకు సంబంధించిన ప్రచారానికి మరింత ఊపు వచ్చింది.
Details
తెల్లవారుజామున 5:12 గంటలకు సల్మాన్‌ సందడి
పాటను పరిచయం చేస్తూ సల్మాన్‌ పెట్టిన క్యాప్షన్‌ కూడా అభిమానులను నవ్వించింది.
తెల్లవారుజామున 5:12 గంటలకు బయలుదేరాల్సి ఉందని, ఫ్లైట్‌ సమయానికి సిద్ధంగా ఉన్నానని సరదాగా పేర్కొన్నారు. 'రెండు పెగ్గుల తర్వాత నా సెక్సీ బ్యూటీతో టేకాఫ్‌ అవుతున్నా.. ఎక్కడ ల్యాండ్‌ అవుతానో తెలియదు' అంటూ చమత్కరించారు.
హెడ్‌ఫోన్స్‌ ధరించి చిరునవ్వుతో కనిపిస్తున్న ఆయన ప్రమోషనల్‌ పోస్టర్‌ కూడా సోషల్‌ మీడియాలో ఆకట్టుకుంటోంది. పాటతో పాటు సల్మాన్‌ సరదా వ్యాఖ్యలు కూడా అభిమానుల దృష్టిని ఆకర్షిస్తున్నాయి.
Details
గాయకుడిగానూ సల్మాన్‌కు ప్రత్యేక గుర్తింపు
సల్మాన్‌ ఖాన్‌ పాటలు పాడటం ఇదే మొదటిసారి కాదు. గతంలో 'వాంటెడ్‌', 'కిక్‌', 'సుల్తాన్‌', 'హీరో' వంటి సినిమాల్లోనూ తన గొంతును వినిపించారు.
నటనతో పాటు గానంలోనూ అప్పుడప్పుడు తన ప్రత్యేకతను చాటుకుంటున్నారు. ఇప్పుడు 'మాతృభూమి' కోసం పాడిన 'తేరి సెక్సీ బ్యూటీ'తో మరోసారి మైక్‌ పట్టారు.
ఈ పాటకు ప్రేక్షకుల నుంచి ఎలాంటి స్పందన వస్తుంది? సినిమాలో సల్మాన్‌ గానం ఏ సందర్భంలో వినిపించనుంది? అన్నది ఆసక్తికరంగా మారింది.
ట్విట్టర్ పోస్ట్ చేయండి
సల్మాన్‌ ఖాన్‌ ట్వీట్‌ వైరల్
Departure time 5:12 am…. Flight on time , 2 pegs down taking off with my sexy beauty… pata nahi kahaan mai land karoon #TeriSexyBeauty Out Nowhttps://t.co/QvsBYv3Qpz@LakhiaApoorva @IChitrangda @SajidMusicKhan #HimeshReshammiya @Singer_muskaan @TaaleemMusic… pic.twitter.com/Sfhy0TRqzs
— Salman Khan (@BeingSalmanKhan) November 3, 2026