Samantha: యాక్షన్ సీక్వెన్స్‌లో చెలరేగిన సమంత.. కొత్త వెబ్ సిరీస్ ట్రైలర్ విడుదల
ఓటీటీలోకి మరో యాక్షన్ థ్రిల్లర్ వెబ్ సిరీస్ వచ్చేస్తోంది. ఈ సిరీస్ పేరు సిటడెల్ హనీ బన్నీ. సిటడెల్ స్పై యూనివర్స్ ఫ్రాంఛైజీలో భాగంగా వస్తున్న ఇండియన్ వెర్షన్ సిరీస్ ఇది. సమంత, వరుణ్ ధావన్ కలిసి నటించారు. అయితే తాజాగా మరో ట్రైలర్‌ను మేకర్స్ రిలీజ్ చేశారు. సిటడెల్.. ఇదొక స్పై యూనివర్స్. గతంలో ఇంగ్లిష్‌లో వచ్చిన తొలి సీజన్‌లో ప్రియాంకా చోప్రా.. నాదియా సింగ్ అనే ఓ స్పైగా నటించారు. ఇప్పుడు దీనికి ప్రీక్వెల్ హిందీలో రాబోతోంది. అసలు వాళ్లు ఏజెంట్లుగా ఎలా మారారు? ఆ ఇద్దరూ గూఢాచారులుగా చేసిన ఆపరేషన్స్ ఏంటి అన్నది సిటడెల్ హనీ బన్నీ వెబ్ సిరీస్‌లో చూడొచ్చు.
హనీ పాత్రలో సమంత
ఇందులో హనీగా సమంత, బన్నీగా వరుణ్ ధావన్ కనిపించారు. తాజాగా ఈ సిరీస్ రెండో ట్రైలర్‌ను కూడా రిలీజ్ చేశారు. ఇది మరింత యాక్షన్ తో ఈ జానర్ ప్రేక్షకులకు ఆకట్టుకునేలా సాగింది. ముఖ్యంగా సమంతను హైలైట్ చేస్తూ ఈ కొత్త ట్రైలర్ సాగడం విశేషం. తాము చేస్తున్నది తప్పని తెలిసినా.. చేయక తప్పదంటూ బన్నీ పాత్ర పోషించిన వరుణ్ ధావన్ ఎంట్రీతో ఈ ట్రైలర్ మొదలవుతుంది. ఆ తర్వాత తన కూతురిని కాపాడుకోవడానికి ప్రయత్నించే సమంత పాత్ర వస్తుంది. ఓ నటి కావాల్సిన వ్యక్తి.. స్పైగా ఎలా మారిందన్నది కూడా ఈ ట్రైలర్ లో చూపించారు. చాలా వరకు సమంత చుట్టే ఈ ట్రైలర్ తిరిగింది.
నవంబర్ 7 స్ట్రీమింగ్
ఇందులోని యాక్షన్ సీక్వెన్స్ లో తన స్టంట్స్‌తో సామ్ అదరగొట్టింది. ఇంతకుముందు ఫ్యామిలీ మ్యాన్ సీజన్ 2లో నటించిన సమంత నటించిన విషయం తెలిసిందే. యాక్షన్ లవర్స్ కచ్చితంగా ఈ వెబ్ సిరీస్ ఎంజాయ్ చేస్తారని ట్రైలర్ చూస్తూనే స్పష్టమవుతోంది. చాలా రోజుల గ్యాప్ తర్వాత సమంత ఈ సిరీస్ ద్వారానే ప్రేక్షకుల ముందుకు వస్తోంది. ఈ సిటడెల్ హనీ బన్నీ వెబ్ సిరీస్ నవంబర్ 7 నుంచి అమెజాన్ ప్రైమ్ వీడియోలో స్ట్రీమింగ్ కానుంది.
