చిట్టిబాబుతో వార్‌కు సిద్ధమైన పుష్పరాజ్..!
ఆర్ఆర్ఆర్ సినిమాతో మెగా పవర్ స్టార్ రామ్ చరణ్ పాన్ ఇండియా స్థాయిలో ఇమేజ్ ను సొంతం చేసుకున్నాడు. ఆర్ఆర్ఆర్ ఆస్కార్ రేసులో ఉన్నందున సోషల్ మీడియాలో ఎదో ఒక విషయంలో రామ్ చరణ్ పేరు ట్రెండ్ అవుతోంది. ప్రస్తుతం క్రియేటివ్ డైరక్టర్ శంకర్ తో రామ్ చరణ్ RC 15 సినిమా చిత్రీకరణ దశలో ఉంది. ఈ సినిమాను దిల్ రాజు నిర్మిస్తున్నారు. ఈ సినిమాను 2024 సంక్రాంతికి రిలీజ్ చేసే అవకాశం ఉంది. అయితే అల్లు అర్జున్ నటిస్తున్న పాన్ ఇండియా సినిమా పుష్ప 2 ప్రస్తుతం షూటింగ్ జరుపుకుంటోంది. ఈ మూవీని కూడా వచ్చే సంక్రాంతికి రిలీజ్ చేయాలని మైత్రీ మువీ మేక్ ప్లాన్ చేస్తున్నట్లు తెలుస్తోంది.
సంక్రాంతి బరిలో అల్లుఅర్జున్, రామ్‌చరణ్ సినిమాలు
ఈ సంక్రాంతికి వాల్తేరు వీరయ్య, వీరసింహరెడ్డి రిలీజ్ అయి మంచి వసూళ్లను సాధించాయి. అయితే ప్రముఖ నిర్మాత దిల్ రాజు నిర్మాతగా వారసుడు సినిమా ఈ సంక్రాంతి బరిలో నిలిపేందుకు నానా తంటాలు పడ్డాడు. ఏకంగా థియోటర్ల విషయంలో అగ్గి రాజుకున్న విషయం తెలిసిందే. వచ్చే సంక్రాంతికి కూడా ఈ నిర్మాత అదే సీన్ రిపీట్ చేస్తాడా అనేది టాలీవుడ్‌లో పెద్ద చర్చ జరుగుతోంది. ఒకే సమయంలో రెండింటిని విడుదల చేస్తే ఇండ్రస్టీలో మళ్లీ ఘర్షణ చేసే అవకాశం ఉంటుంది. అదే సమయంలో దిల్ రాజు, మైత్రీ మువీ మేకర్స్ తలపడాలని నిర్ణయించుకుంటే థియోటర్ల విషయంలో వార్ తప్పదని టాలీవుడ్ వర్గాలు అభిప్రాయపడుతున్నాయి.
