షారుక్ ఖాన్ జవాన్ ట్రైలర్ వచ్చేసింది: ఇంట్రెస్ట్ పెంచుతున్న యాక్షన్ థ్రిల్లర్
బాలీవుడ్ బాద్ షా షారుక్ ఖాన్ హీరోగా అట్లీ దర్శకత్వంలో రూపొందిన జవాన్ చిత్ర ట్రైలర్ ఈరోజే రిలీజైంది. తమిళంతో పాటు తెలుగు, హిందీ భాషల్లో రిలీజ్ అవుతున్న ఈ సినిమా ట్రైలర్ ను తెలుగులో కూడా రిలీజ్ చేసారు. ట్రైలర్ వీడియోలో యాక్షన్ సీన్స్ ఎక్కువగా కనిపించాయి. షారుక్ ఖాన్ వివిధ రకాల గెటప్పుల్లో కనిపించి సినిమాపై ఆసక్తిని పెంచారు. తమిళ నటుడు విజయ్ సేతుపతి ఆయుధాల డీలర్ గా విలన్ పాత్రలో కనిపిస్తున్నటు ట్రైలర్ లో చూపించారు. హీరోయిన్ నయనతార, ఇన్వెస్టిగేటివ్ ఆఫీసర్ గా నటిస్తోందని తెలుస్తోంది.
అతిథి పాత్రలో కనిపించనున్న దీపికా పదుకొణె
అతిథి పాత్రల్లో నటిస్తున్న ప్రియమణి, దీపికా పదుకునే పాత్రలను ట్రైలర్ లో చూపించారు. 2నిమిషాల 46సెకన్ల నిడివి గల ట్రైలర్ లో యాక్షన్ అంశాలే కీలకంగా కనిపించాయి. ట్రైలర్ లో, మేము జవాన్లం, మా ప్రాణం ఒక్కసారి కాదు, వెయ్యిసార్లయినా పోగొట్టుకుంటాం, అదీ దేశం కోసమే అనే డైలాగ్ బాగుంది. రెడ్ చిల్లీస్ ఎంటర్ టైన్మెంట్ బ్యానర్ లో రూపొందిన జవాన్ చిత్రానికి అనిరుధ్ రవిచందర్ సంగీతం అందించారు. ఈ సినిమా సెప్టెంబర్ 7వ తేదీన తెలుగు, తమిళం, హిందీ భాషల్లో విడుదల అవుతుంది. కొన్ని రోజుల క్రితం రిలీజైన పఠాన్ సినిమాతో బ్లాక్ బస్టర్ అందుకున్న షారుక్ ఖాన్, జవాన్ సినిమాతో అది కంటిన్యూ చేస్తారా లేదా చూడాలి.
