శేఖర్ మాస్టర్ చూపు సినిమా దర్శకత్వం వైపు ?
కొరియోగ్రాఫర్లు సినిమా దర్శకులుగా మారడం చాలాసార్లు జరుగుతుంటుంది. ప్రభుదేవా, అమ్మ రాజశేఖర్, సన్నీ మొదలగు కొరియోగ్రాఫర్లు దర్శకులుగా మారారు. ప్రస్తుతం ఈ జాబితాలోకి శేఖర్ మాస్టార్ కూడా చేరుతున్నట్లు తెలుస్తోంది. అటు కొరియోగ్రాఫర్ గా ఇటు టీవీ షోలకు జడ్జిగా చాలా బిజీగా ఉండే శేఖర్ మాస్టర్, పూర్తి సినిమా కోసం మెగాఫోన్ పట్టుకున్నాడని వినిపిస్తోంది. ఆల్రెడీ ఒక షెడ్యూల్ పూర్తయ్యిందనీ సమాచారం. కాకపోతే ఈ సినిమాకు సంబంధించిన వివరాలు కానీ, తాను దర్శకత్వం చేస్తున్న విషయాన్ని గానీ ఇప్పుడప్పుడే బయటకు చెప్పవద్దని శేఖర్ మాస్టర్ అనుకుంటున్నారట. సినిమా మొత్తం పూర్తయ్యి ఫైనల్ కాపీ వచ్చాకే జనాలకు రివీల్ చేయాలని ప్లాన్ చేస్తున్నారట.
శేఖర్ మాస్టర్ దర్శకత్వం చేస్తున్న సినిమాలో హీరో హీరోయిన్లు ఎవరంటే?
శేఖర్ మాస్టర్, ఒక సినిమాకు దర్శకత్వం చేస్తున్నాడనే వార్త బయటకు వచ్చిందనగానే అందులో హీరో హీరోయిన్లు ఎవరనే ప్రశ్న అందరిలోనూ కలిగింది. ప్రస్తుతానికి ఆ వివరాలు తెలియదు. పూర్తి వివరాలు మరికొద్ది రోజుల్లో తెలిసే అవకాశం ఉంది. అదలా ఉంచితే గతంలో కొరియోగ్రాఫర్ నుండి దర్శకులుగా మారిన వారిలో సక్సెస్ అయిన వాళ్ళు చాలా తక్కువ మంది ఉన్నారు. ప్రభుదేవాకు మొదట్లో మంచి విజయాలు దక్కినా ఆ తర్వాత పెద్దగా సక్సెస్ కాలేకపోయారు. ఇక రాఘవ లారెన్స్ అయితే హార్రర్ చిత్రాలు తప్ప మరో సినిమాల వైపు వెళ్ళడం లేదు. మరి శేఖర్ మాస్టర్ నుండి ఎలాంటి సినిమా వస్తుందో చూడాలి. కొరియోగ్రాఫర్ గా సక్సెస్ అయినట్టు దర్శకుడిగా విజయం తెచ్చుకుంటాడేమో చూడాలి.
