తెలుగు బాక్సాఫీసు దగ్గర ఏప్రిల్ 14వ తేదీన రిలీజ్ అవుతున్న సినిమాల లిస్ట్
ఈ వార్తాకథనం ఏంటి
వేసవి వచ్చిందంటే థియేటర్లలో సినిమాల జాతర జరుగుతుంది. ఈసారి కూడా వేసవిలో థియేటర్లలోకి వచ్చే సినిమాల సంఖ్య పెరుగుతోంది. ఈ నేపథ్యంలో అందరి దృష్టి ఏప్రిల్ 14వ తేదీ మీద పడింది.
ఎందుకంటే ఆరోజున సమంత నటించిన పాన్ ఇండియా మువీ శాకుంతలం రిలీజ్ అవుతోంది. నిజానికి శాకుంతలం సినిమా ఫిబ్రవరి 17వ తేదీన రిలీజ్ కావాలి. కానీ అనుకోని కారణాల వల్ల ఏప్రిల్ 14వ తేదీకి వాయిదా వేసారు.
ఐతే సమంత సినిమాతో ఏప్రిల్ 14వ తేదీన విడుదలవుతున్న సినిమాల మీద అందరికీ ఇంట్రెస్ట్ కలిగింది. ఆ ఒక్కరోజునే దాదాపు 5సినిమాలు బాక్సాఫీసు వద్ద తమ అదృష్టాన్ని పరీక్షించుకోవడానికి సిద్ధం అవుతున్నాయని తెలుస్తోంది. ఆ జాబితాలో ఏమేం సినిమాలున్నాయో ఒక్కసారి చూద్దాం.
తెలుగు సినిమా
చిరంజీవి, నరేష్, లారెన్స్, విజయ్ ఆంటోనీ హీరోలుగా వస్తున్న చిత్రాలు
మెహెర్ రమేష్ దర్శకత్వంలో చిరంజీవి నటిస్తున్న భోళాశంకర్ మూవీ, ఏప్రిల్ 14వ తేదీన వస్తుందని ప్రకటించారు. కానీ ఈ చిత్ర షూటింగ్ ఇంకా పూర్తి కాలేదు కాబట్టి అనుకున్న సమయానికి వచ్చే అవకాశాలు లేవని వినిపిస్తోంది. ఒకవేళ ప్రకటించిన తేదీకే రిలీజ్ అయితే సమంత సినిమాకు గట్టి పోటీ ఉంటుంది.
ఇక అల్లరి నరేష్, విజయ్ కనకమేడల కాంబినేషన్ లో వస్తున్న ఉగ్రం మూవీ కూడా ఏప్రిల్ 14వ తేదీనే టార్గెట్ చేసుకుంది.
రాఘవ లారెన్స్ నుండి వస్తున్న రుద్రుడు, బిచ్చగాడుతో సంచలన విజయం అందుకున్న విజయ్ ఆంటోనీ, బిచ్చగాడు 2 సినిమాతో వస్తున్నాడు. ఇదంతా చూస్తుంటే ఏప్రిల్ 14వ తేదీన బాక్సఫీస్ వార్ గట్టిగా ఉండనుందని తెలుస్తోంది.