బిచ్చగాడు సినిమా హీరోకు యాక్సిడెంట్, తీవ్రగాయాలు
మ్యూజిక్ డైరెక్టర్ నుండి హీరోగా మారిన విజయ్ ఆంటోనీ, బిచ్చగాడు సినిమాతో మంచి విజయం అందుకున్నాడు. తెలుగు, తమిళం భాషల్లో ఈ సినిమా రికార్డు స్థాయి వసూళ్ళను సాధించింది. బిచ్చగాడు హిట్ అవడంతో దానికి సీక్వెల్ గా బిచ్చగాడు 2 సినిమాను తీసుకొచ్చే పనిలో ఉన్నాడు విజయ్ ఆంటోనీ. తాజాగా ఈ సీక్వెల్ సినిమా షూటింగ్ లో హీరో విజయ్ ఆంటోనీకి యాక్సిడెంట్ అయ్యింది. మలేషియాలో షూటింగ్ జరుపుకుంటుండగా ప్రమాదం జరగడంతో విజయ్ ఆంటోనీకి యాక్సిడెంట్ అయ్యింది. దాంతో ఆయనకు తీవ్ర గాయాలయ్యాయి. ఆక్సిడెంట్ జరిగిన తర్వాత మలేషియా రాజధాని కౌలాలంపూర్ లో ఆస్పత్రికి తరలించారు. విజయ్ కుటుంబ సభ్యులు కూడా అక్కడికి చేరుకున్నారు.
పడవ సీన్ షూటింగ్ లో జరిగిన ప్రమాదం
యాక్షన్ సీక్వెన్స్ లో పడవ సీన్ చేస్తుండగా, విజయ్ నిల్చున్న పడవ వెళ్ళి వేరే పడవను ఢీ కొట్టిందని, దానివల్ల విజయ్ కి గాయాలయ్యాయి. ప్రస్తుతం విజయ్ ని మలేషియా నుండి చెన్నైకి తీసుకొచ్చినట్లు తెలుస్తోంది. విజయ్ పరిస్థితి విషమంగా ఉందనీ, ఆయన అపస్మారక స్థితిలో ఉన్నారని ఆయన భార్య ఫాతిమా చెప్పుకొచ్చింది. దీంతో అభిమానుల్లో ఆందోళన మొదలైంది. బిచ్చగాడు 2 సినిమాలో జాన్ విజయ్, హరీష్ బేరడి, వైజీ మహేంద్రన్, అజయ్ ఘోష్ ముఖ్య పాత్రల్లో కనిపిస్తున్న ఈ సినిమాను శశి డైరెక్ట్ చేస్తున్నారు. తన సొంత బ్యానర్ పై ఈ సినిమాను నిర్మిస్తున్నాడు. సంగీతం కూడా అందిస్తున్నాడు విజయ్. ఈ సినిమాను వేసవిలో విడుదల చేయాలని ఇదివరకే ప్రకటించారు.
