Kantara 2: 'కాంతార చాప్టర్ 1' షూటింగ్.. అటవీ ప్రాంతం నాశనం? కేసు నమోదు!
ఈ వార్తాకథనం ఏంటి
కన్నడ నటుడు రిషబ్ శెట్టి ప్రధాన పాత్రలో నటిస్తున్న చిత్రం 'కాంతార చాప్టర్ 1'. 2022లో విడుదలై అద్భుతమైన విజయాన్ని సాధించింది.
'కాంతార'కు ఈ చిత్రం ప్రీక్వెల్‌గా రానుంది. ప్రస్తుతం ఈ సినిమా షూట్‌ కర్ణాటకలోని గవి గుడ్డ, హేరూరు అటవీ ప్రాంతాల్లో జరుగుతోంది.
తాజాగా ఈ చిత్రబృందం ఒక సమస్యను ఎదుర్కొంది. అటవీ ప్రాంతంలో చిత్రీకరణ జరపడంతో ఈ ప్రాంతం నాశనమవుతోందని స్థానికులు ఆరోపించారు.
వారు పోలీసులను ఆశ్రయించి, చిత్రబృందం అటవీ ప్రాంతంలో అక్రమంగా షూటింగ్ చేసి, పేలుడు పదార్థాలను కూడా ఉపయోగిస్తున్నారని ఆరోపించారు.
ఈ కారణంగా అక్కడి మూగ జీవాలకు ప్రమాదం ఏర్పడే అవకాశం ఉందని వారు తెలిపారు.
Details
యువకుడిపై చిత్రబృందం దాడి
ఈ అంశంపై స్థానికులు చిత్రబృందాన్ని సంప్రదించగా, రెండు వర్గాల మధ్య వాగ్వాదం జరిగింది.
ఈ ఘటనా స్థలంలో గ్రామానికి చెందిన ఓ యువకుడిపై చిత్రబృందం దాడి చేసినట్లు ఆరోపణలు లేవటంతో స్థానికులు పోలీసులను ఆశ్రయించారు.
ఈ విషయంపై యెసలూరు పోలీస్ స్టేషన్‌లో కేసు నమోదైంది. పోలీసులు దీనిపై త్వరగా స్పందించి, తగిన చర్యలు తీసుకోకపోతే హైకోర్టులో పిటిషన్‌ దాఖలు చేస్తామని స్థానికులు వెల్లడించారు.
రిషభ్‌ స్వీయ దర్శకత్వంలో పీరియాడిక్‌ యాక్షన్‌ థ్రిల్లర్‌గా ఈ చిత్రం ప్రేక్షకులను అలరించేందుకు సిద్ధమవుతోంది.
Details
కీలక పాత్రలో జయరాజ్
హోంబలే ఫిల్మ్స్‌ పతాకంపై విజయ్‌ కిరంగదూర్‌ ఈ చిత్రాన్ని నిర్మిస్తున్నారు. జయరామ్‌ ఈ సినిమాలో కీలక పాత్రలో నటిస్తున్నారు.
కదంబుల కాలంలో సాగే ఆసక్తికర కథాంశంతో ఈ సినిమా ఉంటుందని తెలుస్తోంది. ఈ సినిమాకు సంబంధించి రిషభ్‌ శెట్టి గత కొంతకాలంగా కలరిపయట్టు యుద్ధ విద్యలో కఠిన శిక్షణ తీసుకుంటున్నారు.
ఈ సినిమా 2024 అక్టోబర్‌ 2న విడుదల చేసే ప్రణాళికతో చిత్రం బృందం ముందుకు సాగుతోంది.