మహేష్ బాబు, త్రివిక్రమ్ సినిమా షూటింగ్ కి తలనొప్పిగా మారిన అమీర్ పేట్ మెట్రో
ఈ వార్తాకథనం ఏంటి
ఎలాంటి హంగామా లేకుండా త్రివిక్రమ్ దర్శకత్వంలో మహేష్ బాబు 28వ సినిమా షూటింగ్ ఈ మధ్యే మొదలైంది. యాక్షన్ సీన్స్ కోసం ఫైట్ మాస్టర్ ను మార్చి చిత్రీకరిస్తున్నారు.
అలాగే సినిమాలో యాక్షన్ సన్నివేశాలకు సమానంగా ఫ్యామిలీ ఎమోషన్స్, ఎంటర్ టైన్ మెంట్ ఉండేలా స్క్రిప్ట్ లో మార్పులు తెచ్చారని, ఆ తర్వాతే సినిమా షూటింగ్ మొదలైందని టాక్.
ఈ సినిమా షూటింగ్ హైదరాబాద్ లోని సారథి స్టూడియోలో వేసిన ఒక సెట్ లో జరుగుతోంది. షూటింగ్ లొకేషన్ నుండి హీరోయిన్ పూజాహెగ్డే చిత్రాలు కొన్ని బయటకు వచ్చాయి.
అది పెద్ద విషయం కాదు కానీ, షూటింగ్ సెట్ కు సంబంధించిన వీడియోలు సోషల్ మీడియాలో లీక్ అవుతున్నాయి.
మహేష్ బాబు
అమీర్ పేట్ మెట్రో వల్లే లీక్ అవుతున్న వీడియోలు
మహేష్ 28 మూవీ కోసం ఒక చిన్న పెల్లెటూరు లాంటి సెట్ వేసారట. సారధి స్టూడియోకి దగ్గర్లోనే అమీర్ పేట్ మెట్రో లైన్ ఉంటుంది.
మెట్రో లైన్ ఎత్తులో ఉంటుంది కాబట్టి మహేష్ 28 సినిమా కోసం వేసిన సెట్ క్లియర్ గా కనిపిస్తుందట. దాంతో స్టేషన్ లోని జనాలు ఫోటోలు, వీడియోలు తీస్తూ సోషల్ మీడియాలో అప్లోడ్ చేస్తున్నారు.
ఈ విషయం త్రివిక్రమ్ కి తలనొప్పిగా మారింది. ఇప్పుడేం చేయాలా అని ఆలోచిస్తున్నారట. షూట్ కి సంబంధించిన వీడియోలు ఎక్కువగా లీక్ అయితే సినిమా మీద ఆసక్తి తగ్గుతుందేమోనని భయపడుతున్నారు.
ఈ విషయంలో త్రివిక్రమ్ ఎలాంటి నిర్ణయం తీసుకుంటారో చూడాలి. ఈ సినిమాలో పూజా హెగ్డేతో పాటు శ్రీలీల కూడా నటిస్తోంది.