SSMB28: బాలీవుడ్ హీరోయిన్ కి అవకాశమే లేదు
ఈ వార్తాకథనం ఏంటి
త్రివిక్రమ్ దర్శకత్వంలో రూపొందుతున్న మహేష్ బాబు 28వ సినిమా షూటింగ్ చకచకా జరిగిపోతోంది. హైదరాబాద్ లోని స్టూడియోలో వేసిన సెట్ లో వేగంగా షూటింగ్ కావస్తోంది.
ఈ సినిమా ప్రధాన హీరోయిన్ గా పూజా హెగ్డే కనిపిస్తున్న సంగతి తెలిసిందే. ఆల్రెడీ సెట్లోంచి పూజా ఫోటోలు కూడా బయటకు వచ్చాయి. ఐతే ఈ సినిమాలో మరో ఇద్దరు హీరోయిన్లు ఉన్నారని అన్నారు.
అందులో ఒక హీరోయిన్ ప్లేస్ లో ధమాకా తో దూసుకొచ్చిన శ్రీలీల చేస్తుందనీ, మరొక హీరోయిన్ గా బాలీవుడ్ భామ భూమి ఫడ్నేకర్ కనిపించనుందని పుకార్లు వినిపించాయి.
ఇప్పుడు ఈ విషయమై స్పష్టత వచ్చినట్లు సోషల్ మీడియా చర్చల్లో తెలుస్తోంది.
మహేష్ బాబు
బాలీవుడ్ భామకు నో ఛాన్స్
రెండవ హీరోయిన్ గా శ్రీలీల ఉంటుందనీ, కానీ మూడవ హీరోయిన్ గా బాలీవుడ్ భామ డౌటే అని అంటున్నారు. ఇటు పూజా హెగ్డేకు, అటు శ్రీలీలకు మంచి పారితోషికం ఇస్తున్నట్లు సమాచారం.
ఇప్పుడు బాలీవుడ్ భామ భూమి ఫడ్నేకర్ ని తీసుకుంటే సినిమా బడ్జెట్ మరింత పెరుగుతుందని, అందువల్ల బాలీవుడ్ భామను వద్దనుకుంటున్నట్లు తెలుస్తోంది.
సాధారణంగా త్రివిక్రమ్ సినిమాల్లో ఇద్దరు ముగ్గురు హీరోయిన్లు ఉండడం సహజమే. కానీ అందరూ స్టార్ హీరోయిన్స్ అయితే ఆ ప్రభావం సినిమా బడ్జెట్ మీద ఉంటుందని ఊరుకుంటున్నారట.
కాకపోతే మూడవ హీరోయిన్ ని ఎవరిని తీసుకోవాలా అని ప్రస్తుతం ఆలోచిస్తున్నారట. మరి మూడవ హీరోయిన్ అవకాశం ఎవరికి దక్కుతుందో చూడాలి.