ఆనంద్ రావ్ పాత్రలో అడ్వంచర్స్ చేయడానికి రెడీ అవుతున్న కలర్ ఫోటో హీరో సుహాస్
ఈ వార్తాకథనం ఏంటి
కలర్ ఫోటో సినిమాతో హీరోగా మారిన సుహాస్, వరుసగా సినిమాలు సైన్ చేస్తూ బిజీగా ఉంటున్నాడు. అటు హీరోగా సినిమాలు ఒప్పుకుంటూనే, కమెడియన్ గా, క్యారెక్టర్ ఆర్టిస్టుగా చేస్తున్నాడు సుహాస్.
ఈ సంవత్సరం రైటర్ పద్మభూషణ్ అనే సినిమాతో పలకరించబోతున్నాడు. ఫిబ్రవరి 3వ తేదీన ఈ సినిమా విడుదల అవబోతుంది. తాజాగా సుహాస్ నుండి కొత్త అప్డేట్ వచ్చింది.
హీరోగా మరో సినిమాను అనౌన్స్ చేసాడు సుహాస్. "ఆనంద్ రావ్ అడ్వంచర్స్" అనే టైటిల్ తో సినిమా రూపొందుతున్నట్లు ఈరోజు ప్రకటించారు. ఈ మేరకు టైటిల్ పోస్టర్ ని రానా లాంచ్ చేసారు.
రామ్ పసుపులేటి అనే కొత్త దర్శకుడు ఈ సినిమాను తెరకెక్కిస్తున్నాడు. టైటిల్ రివీల్ పోస్టర్ చూస్తుంటే ఆసక్తికరంగా ఉంది.
తెలుగు సినిమా
కామెడీ జోనర్ లో కనిపిస్తున్న ఫాంటసీ ఆనవాళ్ళు
ఈ పోస్టర్ లో స్వర్గం నుండి ఒక చిన్న పల్లెటూరు మీదకు సుహాస్ పాత్ర దిగుతున్నట్టుగా ఉంది. సుహాస్ చేతిలో పసిపిల్లలు పాలు తాగే పాలసీసా ఉంది.
చూస్తుంటే ఇదేదో ఫాంటసీ కథలా అనిపిస్తోంది. మరోవైపు సుహాస్ వేషం, తలపైన కిరీటం, చేతిలో పాలసీసా మొదలైన వాటివల్ల ఆద్యంతం నవ్వులు పంచే సినిమాగా ఉంటుందని అర్థమవుతోంది.
ఆనంద్ రావ్ అడ్వంచర్స్ సినిమాకు మిక్కీ జే మేయర్ సంగీతం అందిస్తున్నారు. రాకేష్ ఎస్ నారాయణ్ సినిమాటోగ్రాఫర్ గా పనిచేస్తున్నారు. ఎడిటింగ్ బాధ్యతలు కోటగిరి వెంకటేశ్వర రావు చూస్తున్నారు.
ప్రస్తుతానికి ఇందులో హీరోయిన్ ఎవరనేది ఇంకా తెలియదు. అలాగే ఎప్పుడు రిలీజ్ అవుతుందనేది కూడా ఇంకా వెల్లడించలేదు.
ట్విట్టర్ పోస్ట్ చేయండి
ఆనంద్ రావ్ పాత్రలో అడ్వంచర్స్ చేయడానికి రెడీ అవుతున్న సుహాస్
#AnandRaoadventures new movie opening #suhans #rana pic.twitter.com/RsQFFuGKXQ
— Sivaranjani 📽️🎬 (@bhushanmn) January 18, 2023