LOADING...
Jailer 2: 'జైలర్ 2' లో సర్ప్రైజ్ ట్విస్ట్.. బాలకృష్ణ స్థానంలో స్టార్ హీరో!
'జైలర్ 2' లో సర్ప్రైజ్ ట్విస్ట్.. బాలకృష్ణ స్థానంలో స్టార్ హీరో!

Jailer 2: 'జైలర్ 2' లో సర్ప్రైజ్ ట్విస్ట్.. బాలకృష్ణ స్థానంలో స్టార్ హీరో!

వ్రాసిన వారు Jayachandra Akuri
Nov 30, 2025
04:08 pm

ఈ వార్తాకథనం ఏంటి

సూపర్ స్టార్ రజనీకాంత్ మరోసారి 'ముత్తువేల్ పాండియన్' పాత్రలో ప్రేక్షకుల ముందుకు రానున్నారు. 'జైలర్'లో ఈ పాత్రతో ఆయన సునామీ సృష్టించి భారీ విజయాన్ని అందుకున్న విషయం తెలిసిందే. అదే హిట్ జోరు కొనసాగిస్తూ ప్రస్తుతం 'జైలర్ 2' రూపొందుతోంది. ఈ సీక్వెల్‌కు సంబంధించిన ఓ ఆసక్తికర వార్త ప్రస్తుతం సోషల్ మీడియాలో చక్కర్లు కొడుతోంది. 'జైలర్'లో శివరాజ్‌కుమార్‌, మోహన్‌లాల్ వంటి ప్రముఖ నటులు కీలక అతిథి పాత్రల్లో మెరిసి సినిమా రేంజ్‌ను పెంచారు. ఇదే తరహాలో 'జైలర్ 2'లో కూడా మరో స్టార్ కనిపించనున్నాడనే వార్తలు గతంలొచ్చాయి. అప్పట్లో బాలకృష్ణ ఈ సినిమాలో ప్రత్యేక పాత్రలో కనిపించవచ్చని టాక్ వచ్చింది.

Details

శరవేగంగా 'జైలర్ 2' షూటింగ్

అయితే తాజా సమాచారం ప్రకారం ఆ స్థానంలో విజయ్ సేతుపతి కనిపించే అవకాశం ఉన్నట్లు ప్రచారం సాగుతోంది. అధికారిక ప్రకటన వెలువడనప్పటికీ, ఈ వార్త సోషల్ మీడియాలో వైరల్ అవుతోంది. ఇంతకుముందు దర్శకుడు నెల్సన్ ఓ సందర్భంలో మాట్లాడుతూ, 'జైలర్'లో బాలకృష్ణను తీసుకోవాలనే ఆలోచన తనకు ఉన్నప్పటికీ, ఆయన ఇమేజ్‌కు సరిపడే విధంగా ఆ పాత్రను మలచలేకపోయానని తెలిపారు. ఈ నేపథ్యంలో, బాలకృష్ణ 'జైలర్ 2'లో కనిపిస్తారనే అనుమానాలు మరింత బలపడ్డాయి. కానీ ఇప్పుడు విజయ్ సేతుపతి పేరు వినిపించడం ఆసక్తికరంగా మారింది. ప్రస్తుతం 'జైలర్ 2' షూటింగ్ వేగంగా జరుగుతోంది. ఈ కొత్త క్యాస్టింగ్ అప్‌డేట్‌పై అధికారిక ప్రకటన ఎప్పుడొస్తుందన్న ఆసక్తి అభిమానుల్లో పెరుగుతోంది.

Advertisement