Tapsee: ప్రియుడిని రహస్యంగా పెళ్లి చేసుకున్నహీరోయున్?
సినీ నటి తాప్సీ పన్ను తన చిరకాల ప్రియుడు మథియాస్ బోను రహస్యంగా వివాహం చేసుకుంది. నివేదికల ప్రకారం,ఆమె మార్చి 23 న ఉదయపూర్‌లో బ్యాడ్మింటన్ ప్లేయర్ మథియాస్ బోను వివాహం చేసుకుంది. తాప్సీ,మథియాస్ చాలా కాలంగా ఒకరితో ఒకరు డేటింగ్ చేస్తున్నారు.కొన్ని రోజులుగా వారి పెళ్లి గురించి వార్తలు వచ్చాయి,అయితే తాప్సీ దానిని ధృవీకరించలేదు. వీరి పెళ్లికి అతి కొద్ది మంది అతి సన్నిహితులు మాత్రమే హాజరయ్యారని రిపోర్టులు చెబుతున్నాయి. వివాహానికి హాజరైన అతిథులలో పావైల్ గులాటి,దర్శకుడు అనురాగ్ కశ్యప్ కూడా ఉన్నారు. సిక్కు,క్రిస్టియన్ సంప్రదాయాల ప్రకారమే వీరిద్దరి వివాహం జరగనుందని కొంతకాలం క్రితం వార్తలు వచ్చాయి. వీరిద్దరి వివాహ వేడుకలు మార్చి 20న ప్రారంభమై మార్చి 23న పెళ్లితో ముగిశాయి.
ఇన్‌స్టాగ్రామ్ ఖాతాలో పెళ్లి ఫోటోను షేర్ చేసిన పావైల్ గులాటీ
రెండు రోజుల క్రితం తన సన్నిహితుడు పావైల్ గులాటీ తన ఇన్‌స్టాగ్రామ్ ఖాతాలో పెళ్లి ఫోటోను షేర్ చేశాడు. తాప్సీ పన్నుతో కలిసి అనేక చిత్రాలలో పనిచేసిన రచయిత్రి కనికా ధిల్లాన్ నిన్న కొన్ని చిత్రాలను పంచుకున్నారు. ఈ చిత్రాలు కూడా తాప్సీ వివాహ వేడుకకు సంబంధించినవే అని చెబుతున్నారు. కనికా, తాప్సీ హసీన్ దిల్రూబా, మన్మర్జియాన్, డాంకీ , ఫిర్ ఆయీ హసీన్ దిల్రుబా వంటి చిత్రాలలో కలిసి పనిచేశారు.
మథియాస్ డెన్మార్క్ బ్యాడ్మింటన్ క్రీడాకారుడు
తాప్సీ పన్ను,మథియాస్ 2013లో మొదటిసారి కలిశారు. ఇండియన్ బ్యాడ్మింటన్ లీగ్‌లో ఆడేందుకు మథియాస్ భారతదేశానికి వచ్చినప్పుడు, తాప్సీ మథియాస్ ను కలుసుకుంది. మథియాస్ డెన్మార్క్ బ్యాడ్మింటన్ క్రీడాకారుడు. 2015 యూరోపియన్ గేమ్స్‌లో బంగారు పతకాన్ని కూడా గెలుచుకున్నాడు. నటి తాప్సీ వివాహం సిక్కు, క్రిస్టియన్ సంప్రదాయాల ప్రకారం జరిగినట్లు సమాచారం. ఈ విషయాన్ని ఆమె అధికారికంగా ఎప్పుడు అనౌన్స్ చేస్తారు అనేది తెలియాల్సి ఉంది.
