2022 సంవత్సరాన్ని మంచి సినిమాతో ముగించాలనుకుంటున్నారా? ఈ లిస్ట్ చూడండి
ఈ వార్తాకథనం ఏంటి
2022 సంవత్సరం తెలుగు సినిమాకు బాగా కలిసొచ్చింది. బాక్సాఫీసు వద్ద మంచి మంచి సినిమాలు పడ్డాయి. ఆర్ఆర్ఆర్ మొదలుకుని మొన్న రిలీజైన ధమాకా, 18 పేజెస్ వరకు బాక్సాఫీసును షేక్ చేసాయి.
తెలుగు సినిమా బాక్సాఫీసు ముంగిట మరో వారం ఉంది. ఆ తర్వాత కొత్త సంవత్సరంలో సంక్రాంతితో సినిమా సందడి మొదలు కానుంది. మరి 2022 చివర్లో థియేటర్లలోకి వచ్చే సినిమాలేంటో చూద్దాం.
లక్కీ లక్ష్మణ్: బిగ్ బాస్ ఫేమ్ సోహైల్ హీరోగా నటిస్తున్న ఈ చిత్రం డిసెంబర్ 30వ తేదీన థియేటర్లలోకి రానుంది. మోక్ష హీరోయిన్ గా నటించింది.
ఎస్ 5: మసూద తర్వాత థియేటర్లలో సందడి చేయనున్న మరో హార్రర్ థ్రిల్లర్ ఇదే అని చెప్పుకోవచ్చు.
తెలుగు సినిమా
లిస్టులో ఇంకా మూడు సినిమాలు
ఎస్ 5 సినిమాలో తారకరత్న, ప్రిన్స్ ప్రధాన పాత్రల్లో కనిపిస్తున్నారు. డిసెంబర్ 30వ తేదీన విడుదల అవుతుంది.
డ్రైవర్ జమున: కౌసల్య కృష్ణమూర్తి సినిమాతో తెలుగుకు పరిచయమైన ఐశ్వర్య రాజేష్ నటిస్తున్న ఈ చిత్రం, 30వ తేదీన థియేటర్లలోకి వస్తోంది.
టాప్ గేర్: ఎన్నో రోజుల నుండి మంచి హిట్ కోసం ఎదురుచూస్తున్న ఆది సాయి కుమార్, టాప్ గేర్ అనే సినిమాను 30వ తేదీన తీసుకువస్తున్నాడు. రియా సుమన్ హీరోయిన్ గా కనిపించనుంది.
రాజయోగం: ఈ సినిమా టీజర్ ని విశ్వక్ సేన్ లాంచ్ చేసాడు. దాంతో జనాల్లో కొంత ఆసక్తి ఏర్పడింది. సాయి రోనక్, బిస్మిలాన్ హీరోహీరోయిన్లుగా చేస్తున్నారు. మరి ఈ సినిమాల్లో ఏది తన సత్తా చాటుతుందో చూడాలి.