Renu Desai: అకీరా, ఆద్య మెగా ఫ్యామిలీ ఫంక్షన్లకు వెళ్లడానికి కారణం అదే.. రేణు దేశాయ్ క్లారిటీ!
ఈ వార్తాకథనం ఏంటి
మెగా కుటుంబంలో జరిగే శుభకార్యాలు, వేడుకల్లో అకీరా నందన్, ఆద్య తరచూ కనిపిస్తూ ప్రత్యేక ఆకర్షణగా నిలుస్తుంటారు. అయితే పిల్లలు మెగా ఫ్యామిలీ ఈవెంట్స్‌కు వెళ్లడం వెనుక ఉన్న అసలు కారణమేంటనే విషయంపై నటి రేణు దేశాయ్ తాజాగా స్పందించారు. ఓ ఇంటర్వ్యూలో మాట్లాడిన ఆమె.. పిల్లలు ఆ వేడుకలకు హాజరవ్వడం వెనుక తన పెంపకం, నేర్పిన సంస్కారమే కారణమని స్పష్టం చేశారు. పిల్లలకు కుటుంబ విలువలు నేర్పించా.. "పిల్లలకు చిన్నప్పటి నుంచే కుటుంబ విలువలు, పెద్దలను గౌరవించడం, అబద్ధాలు చెప్పకపోవడం వంటి విషయాలు నేర్పించాను. మెగా ఫ్యామిలీ ఈవెంట్స్‌కు వాళ్లు వెళ్లడం వెనుక ఉన్నది నా సంస్కారమే. తల్లిగా నా కర్తవ్యాన్ని బాధ్యతతో నిర్వర్తిస్తున్నాను" అని రేణు దేశాయ్ తెలిపారు.
వివరాలు
పిల్లలు తప్పు చేస్తే తల్లినే నిందిస్తారు..
అదే సమయంలో సమాజం ఆలోచనా ధోరణిపై ఆమె నిర్మొహమాటంగా స్పందించారు. "మెగా ఫ్యామిలీ ఫంక్షన్లకు పిల్లలు వెళ్లినప్పుడు అక్కడ నేను ఉండను.
నా సమక్షంలో ఉంటే వాళ్లు ఏదైనా పొరపాటు చేసినా వెంటనే గమనించి సరిదిద్దుతాను. కానీ నేను లేని చోట, పదిమందిలో ఉన్నప్పుడు వాళ్లు ఏ చిన్న తప్పు చేసినా జనాలు క్షణాల్లో తీర్పు ఇచ్చేస్తారు.
'చూశారా.. తల్లి పెంపకంలోనే లోపం ఉంది' అంటూ నింద మొత్తం నా మీదే వేస్తారు.
పిల్లలు మంచి చేస్తే క్రెడిట్ ఇవ్వకపోయినా, ఏదైనా లోపం జరిగితే మాత్రం తల్లిపైనే బురదజల్లే మనస్తత్వం ఈ సమాజంలో ఉంది" అని పేర్కొన్నారు.
వివరాలు
క్రమశిక్షణతో పెంచుతున్నా..
అందుకే తన పెంపకాన్ని ఎవరూ వేలెత్తి చూపే అవకాశం ఇవ్వకూడదనే ఉద్దేశంతోనే అకీరా, ఆద్యలను మొదటి నుంచీ క్రమశిక్షణతో పెంచుతున్నట్లు రేణు దేశాయ్ వివరించారు.
మెగా కుటుంబ వేడుకలకు పిల్లలు హాజరవ్వడంపై ఆమె ఇచ్చిన ఈ వివరణ ప్రస్తుతం సోషల్ మీడియాలో వైరల్‌గా మారింది.