Dhruv Vikram-Anupama Parameswaran: అనుపమ కామెంట్స్ ఎఫెక్ట్.. తన వ్యక్తిగత జీవితంపై ధ్రువ్ విక్రమ్ కీలక వ్యాఖ్యలు
ఈ వార్తాకథనం ఏంటి
నటుడు ధ్రువ్ విక్రమ్ తన వ్యక్తిగత జీవితంపై జరుగుతున్న ప్రచారం, ఎదురవుతున్న విమర్శలపై స్పందించారు. నటి అనుపమ పరమేశ్వరన్ ఇటీవల చేసిన వ్యాఖ్యల నేపథ్యంలో తనపై వస్తున్న వార్తల గురించి ఓ ఇంటర్వ్యూలో ఆయన మాట్లాడారు. అయితే తన వ్యాఖ్యల్లో ఎక్కడా అనుపమ పేరును ప్రస్తావించలేదు. వాళ్లే నాకు కొండంత బలం.. తన బ్రేకప్ గురించి ధ్రువ్ విక్రమ్ మాట్లాడుతూ.. ఆ తర్వాత ఎదుర్కొన్న కష్టకాలం తనను వ్యక్తిగతంగా ఎంతో ప్రభావితం చేసిందని తెలిపారు. ''నా బ్రేకప్ తర్వాత ఎదురైన కష్టకాలం నన్ను వ్యక్తిగతంగా ఎంతో ప్రభావితం చేసింది. అయితే నా కుటుంబం, అభిమానులు అందించిన కొండంత ధైర్యం వల్లే ఆ పరిస్థితి నుంచి బయటపడగలిగాను.
వివరాలు
విమర్శలు నన్నేం చేయవు..
సినీ పరిశ్రమలోకి అడుగుపెట్టినప్పుడే నా వ్యక్తిగత జీవితంపై అందరి దృష్టి ఉంటుందని నాకు తెలుసు. ఆ సమయంలో మా అమ్మ నాకు ఎప్పటికప్పుడు ధైర్యం చెప్పిందని ధ్రువ్ తెలిపారు.
తనపై జరుగుతున్న ప్రచారం తనను పూర్తిగా ప్రభావితం చేయలేదని చెప్పలేనని ధ్రువ్ అన్నారు. అయితే ఇలాంటి పరిస్థితుల్లో మనల్ని మనం మరింతగా అర్థం చేసుకోవడం చాలా ముఖ్యమని పేర్కొన్నారు.
'నిజం చెప్పాలంటే ఈ ప్రచారం నన్ను అస్సలు ప్రభావితం చేయలేదని చెప్పలేను. కానీ ఇలాంటి సమయంలో మనల్ని మనం ఎక్కువగా అర్థం చేసుకోవడం చాలా ముఖ్యం.
మనం ఎవరం, దేనికోసం నిలబడ్డామో తెలుసుకోవాలి. మనకు నచ్చిన వారిని, మన ప్రాణంగా భావించే ప్రతి విషయాన్ని కాపాడుకోవాలని ఆయన అన్నారు.
వివరాలు
సోషల్ మీడియాలో అందుకే దూరంగా..
తాను సోషల్ మీడియాలో ఎక్కువ సమయం గడపనని ధ్రువ్ విక్రమ్ వెల్లడించారు. ఎడిటింగ్ చేయడం, వీడియోలు రూపొందించడం తనకు ఎంతో ఇష్టమని చెప్పారు.
'నాకు ఎడిటింగ్ చేయడం, వీడియోలు తీయడం అంటే చాలా ఇష్టం. వీడియోలను షూట్ చేసి వాటిని మ్యూజిక్కు తగ్గట్టుగా కట్ చేస్తుంటాను.
అయితే వాటిని సోషల్ మీడియాలో షేర్ చేయను. కానీ అది నాకు చాలా ఇష్టమైన పని. సినిమాలు విడుదలయ్యే సమయంలో ప్రమోషన్స్ ఉన్నప్పుడే సోషల్ మీడియాలో యాక్టివ్గా ఉంటాను.
మిగిలిన సమయాల్లో పుస్తకాలు చదవడం, సంగీతం వినడంలో మునిగిపోతానని ధ్రువ్ చెప్పారు.
ఇటీవల అనుపమ పరమేశ్వరన్ ఓ ఇంటర్వ్యూలో తన గత రిలేషన్షిప్ గురించి చేసిన వ్యాఖ్యలు వైరల్గా మారాయి.
వివరాలు
అనుపమ వ్యాఖ్యలతో మళ్లీ చర్చ..
గతంలో రెండేళ్ల పాటు ఓ వ్యక్తితో రిలేషన్లో ఉన్నప్పుడు తాను నరకం అనుభవించానని ఆమె చెప్పిన విషయం తెలిసిందే. ఆ సమయంలో మానసిక వేధింపులకు గురయ్యానని, శారీరకంగా కూడా తీవ్ర ఇబ్బందులు ఎదుర్కొన్నానని ఆమె వెల్లడించారు.
అయితే ఆ వ్యక్తి ఎవరనేది అనుపమ వెల్లడించలేదు. కానీ గతంలో ఆమె సోషల్ మీడియాలో షేర్ చేసిన కొన్ని ఫొటోల కారణంగా ధ్రువ్ విక్రమ్ పేరు తెరపైకి వచ్చింది.
వీరిద్దరూ రిలేషన్షిప్లో ఉన్నారంటూ అప్పట్లో వార్తలు కూడా ప్రచారమయ్యాయి.
అయితే తాజా ఇంటర్వ్యూలో ధ్రువ్ విక్రమ్ తన బ్రేకప్, ఆ తర్వాత ఎదుర్కొన్న కష్టకాలం, కుటుంబం-అభిమానుల నుంచి లభించిన మద్దతు, వ్యక్తిగత జీవితంపై వస్తున్న విమర్శల గురించి మాత్రమే మాట్లాడారు.