ది ఇండియా హౌస్: నిఖిల్ కొత్త సినిమాకు అదిరిపోతున్న రెస్పాన్స్; సోషల్ మీడియాలో పెరుగుతున్న వ్యూస్
ఈ వార్తాకథనం ఏంటి
కార్తికేయ 2 సినిమాతో బాలీవుడ్ లో మంచి క్రేజ్ దక్కించుకున్న యంగ్ హీరో నిఖిల్, ప్రస్తుతం ది ఇండియా హౌస్ పేరుతో మరో పాన్ ఇండియా సినిమాను తీసుకొస్తున్నాడు.
అభిషేక్ అగర్వాల్, వీ మెగా పిక్చర్స్ బ్యానర్ లో రూపొందుతున్న ఈ చిత్రానికి మెగా పవర్ స్టార్ రామ్ చరణ్, ప్రజెంటర్ గా ఉన్నారు.
అయితే ఈ సినిమా టైటిల్ వీడియోకు సోషల్ మీడియాలో అద్భుతమైన రెస్పాన్స్ వస్తోంది. భారతదేశ చరిత్రలో మర్చిపోయిన అధ్యాయాన్ని ఈ సినిమాలో చూపించనున్నామని టైటిల్ వీడియోలో వెల్లడి చేసారు.
లండన్ ప్రాంత నేపథ్యంలో ఈ కథ ఉంటుందని కూడా చెప్పేసారు. అయితే ఈ టైటిల్ వీడియోకు ఇప్పటివరకు 10మిలియన్ల వ్యూస్ వచ్చాయి.
Details
వరుసగా భారతదేశ చరిత్ర సినిమాలలో నటిస్తున్న నిఖిల్
సోషల్ మీడియాలోని అన్ని ఫ్లాట్ ఫామ్ లలో 10మిలియన్లకు పైగా వ్యూస్ తో ది ఇండియా హౌస్ టైటిల్ వీడియో ట్రెండింగ్ లో ఉంది.
అనుపమ్ ఖేర్ ప్రధాన పాత్రలో కనిపిస్తున్న ఈ చిత్రాన్ని అభిషేక్ అగర్వాల్, తేజ్ నారాయణ్ అగర్వాల్ నిర్మిస్తున్నారు. రామ్ వంశీ కృష్ణ దర్శకత్వం వహిస్తున్నారు.
హీరో నిఖిల్ వరుసగా భారతదేశ చరిత్రకు సంబంధించిన సినిమాలు చేస్తున్నాడు. కార్తీకేయ 2 తర్వాత నిఖిల్ నుండి స్పై అనే మూవీ వస్తోంది.
సుభాష్ చంద్రబోస్ మరణ రహస్యానికి సంబంధించిన విషయాలను ఈ సినిమాలో చూపించనున్నారట.