Tollywood: టాలీవుడ్ లో విషాదం.. ప్రముఖ నిర్మాత మృతి.. ఎవరంటే!
ఈ వార్తాకథనం ఏంటి
ప్రఖ్యాత నిర్మాత మృతితో టాలీవుడ్ పరిశ్రమలో విషాద ఛాయలు అలుముకున్నాయి. అల్లరి నరేష్‌తో కలిసి 'మడత కాజా', 'సంఘర్షణ' వంటి చిత్రాలను నిర్మించిన వేదరాజు టింబర్ (54) శుక్రవారం ఉదయం కన్నుమూశారు. నిర్మాణ రంగంలో బిజీగా ఉండే వేదరాజు టింబర్, సినిమాలపై అపారమైన ప్రేమతో చిత్ర నిర్మాణంలో కూడా కొనసాగారు. త్వరలోనే మరో సినిమాను నిర్మించేందుకు సన్నాహాలు చేస్తున్న తరుణంలో ఆయన ఆకస్మిక మరణం సినీ పరిశ్రమను విషాదంలోకి నెట్టింది. గత కొంతకాలంగా ఊపిరితిత్తుల సమస్యతో బాధపడుతున్న వేదరాజు హైదరాబాదులోని ఎఐజి హాస్పిటల్‌లో చికిత్స పొందుతున్నారు.
వివరాలు
కుటుంబ సభ్యులకు సానుభూతి
త్వరలో కోలుకుని ఇంటికి తిరిగి వస్తారని కుటుంబ సభ్యులు, సన్నిహితులు ఆశిస్తున్న క్షణంలోనే ఆయన అకస్మాత్తుగా మరణించటం వారందరినీ తీవ్ర దిగ్బ్రాంతికి గురిచేసింది. ఆయనకు భార్య, కుమార్తె ఉన్నారు. ఆయన అంత్యక్రియలు శుక్రవారమే నిర్వహించనున్నట్లు కుటుంబ సభ్యులు తెలిపారు. వేదరాజు టింబర్ మృతిపై టాలీవుడ్ సినీ పరిశ్రమ దిగ్బ్రాంతి వ్యక్తం చేస్తూ, ఆయన కుటుంబ సభ్యులకు సానుభూతిని తెలియజేస్తోంది.