సినిమా సెలెబ్రిటీలను ఒక్క క్లిక్ తో సామాన్యులుగా మార్చేసిన ట్విట్టర్ సీఈవో ఎలాన్ మస్క్
ఈ వార్తాకథనం ఏంటి
ఎలాన్ మస్క్ చేతికి ట్విట్టర్ వచ్చినప్పటి నుండి ట్విట్టర్ లో రకరకాల మార్పులు జరుగుతున్నాయి. అప్పటికప్పుడే ట్విట్టర్ లోగో మారిపోవడం, బ్లూ టిక్స్ కోసం డబ్బులు చెల్లించాలని అడగడం, ఇలా చాలా మార్పులు వచ్చాయి.
తాజాగా టాలీవుడ్ సెలెబ్రిటీల బ్లూ టిక్స్ తొలగిపోయాయి. ట్విట్టర్ లో బ్లూ టిక్ కావాలనుకుంటే నెలసరి లేదా సంవత్సరం చందా చెల్లించాల్సిందేనని గతంలో ఎలాన్ మస్క్ వెల్లడి చేసిన సంగతి తెలిసిందే.
బ్లూ టిక్ కోసం డబ్బులు చెల్లించకపోతే ఏప్రిల్ 20తర్వాత బ్లూ టిక్స్ తొలగిపోతాయని కూడా ట్విట్టర్ నుండి సమాచారం వచ్చింది.
ఇప్పుడు అలా చెల్లించని వారి బ్లూ టిక్స్ తొలగిపోయాయని అంటున్నారు. బ్లూ టిక్ కోల్పోయిన లిస్టులో ఎవరెవరు ఉన్నారో చూద్దాం.
Details
బ్లూ టిక్ కోల్పోయిన సెలెబ్రిటీలు
మెగాస్టార్ చిరంజీవి, ప్రకాష్ రాజ్, మోహన్ బాబు, రామ్ చరణ్, పవన్ కళ్యాణ్, మంచు లక్ష్మి, నిధి అగర్వాల్, అఖిల్ అక్కినేని ఇలా చాలామంది ఉన్నారు.
ఒక్క తెలుగులోనే కారు ఇతర భాషల హీరోల్లో రజనీకాంత్, తలపతి విజయ్, శింబు, షారుక్ ఖాన్, ప్రియాంకా చోప్రా, సల్మాన్ ఖాన్, అమితాబ్ బచ్చన్, దీపికా పదుకునే, ఆలియా భట్ ఉన్నారు.
అయితే బ్లూ టిక్ కోల్పోయిన చాలామంది సెలెబ్రిటీలు, ఇకపై బ్లూ టిక్ అవసరం లేదన్నట్టుగా పోస్టులు పెట్టారు.
ట్విట్టర్ బ్లూ టిక్ నెలసరి చందా, యాప్ కోసం 900రూపాయలుగా ఉంది. అలాగే వెబ్ కోసం 600రూపాయలుగా ఉందని తెలుస్తోంది. సంవత్సరం చందా 6500రూపాయలు ఉందని సమాచారం.