అల్లరి నరేష్ ఉగ్రం సినిమా ఓటీటీలో రిలీజ్: స్ట్రీమింగ్ ఎక్కడంటే?
ఈ వార్తాకథనం ఏంటి
తనదైన కామెడీతో అందరినీ నవ్వించే సినిమాలు తీసే అల్లరి నరేష్, నాంది సినిమా నుండి తన పంథా మార్చుకున్నాడు.
విజయ్ కనకమేడల దర్శకత్వం వహించిన ఈ సినిమా బ్లాక్ బస్టర్ గా నిలిచింది. అయితే వీరిద్దరి కాంబినేషన్లో ఇటీవల ఉగ్రం అనే సినిమా రిలీజైంది. పేరుకు తగ్గట్టుగానే ఈ సినిమాలో ఉగ్రరూపంలో కనిపించాడు అల్లరి నరేష్.
పవర్ ఫుల్ పోలీసాఫీసర్ పాత్రలో ఇంతకు ముందెన్నడూ కనిపించని విధంగా కొత్త అవతారంలో దర్శనమిచ్చాడు.
మే 5వ తేదీన థియేటర్లలో రిలీజైన ఈ సినిమాకు పాజిటివ్ టాక్ వచ్చింది. కానీ కలెక్షన్ల పరంగా పెద్దగా వసూలు చేయలేక యావరేజ్ గా నిలిచిపోయింది.
Details
అమెజాన్ ప్రైమ్ వేదికగా స్ట్రీమింగ్
ఈ సినిమాలో అల్లరి నరేష్ నటనకు అటు విమర్శకుల నుండి ఇటు ప్రేక్షకుల నుండి మంచి ప్రశంసలు దక్కాయి.
ప్రస్తుతం ఉగ్రం సినిమా, ఓటీటీ రిలీజ్ కు సిద్ధమైంది. జూన్ 2వ తేదీ నుండి అమెజాన్ ప్రైమ్ వీడియోలో ఉగ్రం సినిమా స్ట్రీమింగ్ కానుంది.
ఉగ్రం కథ ఏంటంటే:
ఒకానొక కారు ప్రమాదంలో తన భార్యానీ, బిడ్డకీ దూరమవుతాడు అల్లరి నరేష్. వాళ్ళిద్దరినీ ఎవరో కిడ్నాప్ చేసారని తెలుసుకునే ప్రయత్నం చేస్తాడు అల్లరి నరేష్.
ఈ ప్రాసెస్ లో చాలామంది ఆడపిల్లలు కిడ్నాప్ అయినట్లు తెలుసుకుంటాడు. మరి వారందరినీ అల్లరి నరేష్ ఎలా కాపాడాడు అనేదే కథ.