వారిసు ట్విట్టర్ రివ్యూ: పాజిటివ్ ప్రశంసలతో నిండిపోతున్న సోషల్ మీడియా, కానీ
ఈ వార్తాకథనం ఏంటి
తమిళ హీరో దళపతి విజయ్ హీరోగా నటించిన సినిమా వారిసు, సంక్రాంతి కానుకగా ఈరోజు విడుదలైంది. ప్రీమియర్ షోస్ చూసిన వారు ట్విట్టర్ వేదికగా తమ అభిప్రాయాలను పంచుకుంటున్నారు.
ఎన్నో అంచనాల మధ్య రిలీజైన వారిసు సినిమా, ఆ అంచనాలను అందుకుందని రివ్యూలు వస్తున్నాయి. ఫ్యామిలీ ఎంటర్ టైనర్ గా రూపొందిన ఈ సినిమా, అందరికీ నచ్చుతుందని అంటున్నారు.
ఫస్ట్ హాఫ్ వినోదాత్మకంగా ఉందని, సెకండ్ హాఫ్ కొంచెం స్లోగా ఉన్నట్టు కామెంట్లు చేస్తున్నారు. యోగిబాబు, విజయ ల మధ్య వచ్చే సన్నివేశాలు ఆద్యంతం నవ్విస్తాయని చెబుతున్నారు.
చూడడానికి చాలా రిచ్ గా ఉందని, రంజితమే పాట అద్భుతంగా వచ్చిందని కామెంట్స్ చేస్తున్నారు. విజయ్ అభిమానులను ఉర్రూతలూగిస్తుందని చెబుతున్నారు.
వారిసు ట్విట్టర్ రివ్యూ
సినిమాలోని మైనస్ పాయింట్స్
మైనస్ పాయింట్స్ గురించి మాట్లాడుకుంటే చాలా పలుచని కథ అని, కొన్నిచోట్ల ఎమోషన్స్ కృత్రిమంగా అనిపించాయని అంటున్నారు. కానీ పూర్తిగా చూస్తే సంక్రాంతికి అటు ఫ్యామిలీకి ఇటు మాస్ జనాలకు నచ్చేలా ఉందని రివ్యూ ఇస్తున్నారు.
వారిసు తెలుగు వెర్షన్ జనవరి 14వ తేదీన వారసుడు పేరుతో రిలీజ్ అవనుంది. తమిళంలో పాజిటివ్ రివ్యూస్ దక్కించుకుంటున్న ఈ సినిమా, తెలుగులో ఎలాంటి ఓపెనింగ్ రివ్యూస్ అందుకుంటుందో చూడాలి.
తెలుగు నిర్మాత దిల్ రాజు నిర్మాతగా వ్యవహరిస్తున్న ఈ సినిమా శ్రీ వెంకటేశ్వర్ క్రియేషన్స్ బ్యానర్ పై రూపొందింది. తెలుగు దర్శకుడు వంశీ పైడిపల్లి ఈ సినిమాకు దర్శకత్వం వహించారు. రష్మిక మందన్న హీరోయిన్ గా కనిపించింది. థమన్ సంగీతం సమకూర్చాడు.