వరుణ్ తేజ్, లావణ్య త్రిపాఠి ఎంగేజ్మెంట్ డేట్ ఫిక్స్: మెగా ఇంట మోగనున్న పెళ్ళి బాజాలు
మెగా హీరో వరుణ్ తేజ్, అతి త్వరలోనే ఓ ఇంటివాడు కాబోతున్నాడు. అందాల రాక్షసితో హీరోయిన్ గా పరిచయమైన లావణ్య త్రిపాఠితో వరుణ్ తేజ్ పెళ్ళి జరగనుంది. ఆల్రెడీ నిశ్చితార్థానికి ముహూర్తం ఫిక్స్ అయ్యిందని తెలుస్తోంది. హైదరాబాద్ లో జూన్ 9వ తేదీన వరుణ్ తేజ్, లావణ్య త్రిపాఠిల ఎంగేజ్మెంట్ జరగనుందని అధికారికంగా సమాచారం వచ్చింది. ఈ నిశ్చితార్థ వేడుకకు, మెగా కుటుంబ హీరోలందరూ, అలాగే సినీ ప్రముఖులు హాజరు కానున్నారని వినిపిస్తోంది. పెళ్ళి మాత్రం ఈ సంవత్సరం చివర్లో ఉండే అవకాశం ఉందని అంటున్నారు. వరుణ్ తేజ్, లావణ్య త్రిపాఠి కలిసి రెండు సినిమాల్లో నటించారు.
వరుణ్ తేజ్ చేతిలో రెండు సినిమాలు
మొదటి సినిమా మిస్టర్ తో వీళ్ళిద్దరి మధ్య మంచి స్నేహం కుదిరిందని, ఆ తర్వాత అంతరిక్షం సినిమా సమయంలో అది ప్రేమగా మారిందని చెబుతున్నారు. అదలా ఉంచితే, వరుణ్ తేజ్ చేతిలో ప్రస్తుతం రెండు సినిమాలున్నాయి. ప్రవీణ్ సత్తారు దర్శకత్వంలో తెరకెక్కుతోన్న గాండీవధారి అర్జున సినిమా షూటింగ్ శరవేగంగా జరుగుతోంది. అలాగే శక్తి ప్రతాప్ సింగ్ దర్శకత్వంలో, ఎయిర్ ఫోర్స్ నేపథ్యంలో పాన్ ఇండియా రేంజ్ లో మరో సినిమా చేస్తున్నాడు. ఈ రెండు చిత్రాల షూటింగులు పూర్తయ్యాక, పెళ్ళి వేడుక ఉండనుందట. నవంబర్ లోగా సినిమాలను పూర్తి చేసి పెళ్ళికి సిద్ధమవ్వాలని వరుణ్ తేజ్ అనుకుంటున్నట్లు తెలుస్తోంది.
