వీరసింహారెడ్డి: బాలయ్య మనోభావాలు దెబ్బతిన్నాయి
ఈ వార్తాకథనం ఏంటి
అఖండ సినిమా విజయం తర్వాత బాలయ్య నుండి వస్తున్న వీరసింహారెడ్డి అనే సినిమా వస్తోంది. ఈ సినిమాపై అభిమానుల అంచనాలు హై లెవెల్లో ఉన్నాయి.
సంక్రాంతికి ప్రేక్షకుల ముందుకు రాబోతున్న ఈ సినిమా నుండి వరుసగా పాటలను రిలీజ్ చేస్తున్నారు. ఇప్పటికే రెండు పాటలు రిలీజ్ అయ్యాయి. జై బాలయ్య పాటతో పాటు సుగుణ సుందరి పాటకు ప్రేక్షకుల నుండి మంచి రెస్పాన్స్ వచ్చింది.
సుగుణ సుందరి పాటలో బాలకృష్ణ స్టెప్పులకు అభిమానులు ఫిదా ఐపోయారు. ప్రస్తుతం ఈ సినిమా నుండి మూడవ పాట రిలీజ్ కి సిద్ధం అవుతోంది.
ఈ మేరకు ప్రకటనతో పాటు ప్రోమో వదిలారు. బావ మనోభావాలు దెబ్బతిన్నాయి అంటూ సాగే ప్రోమోలో చంద్రిక రవితో స్టెప్పులేసాడు బాలయ్య.
బాలయ్య
ఆస్ట్రేలియా అమ్మాయితో స్టెప్పులు
భారత సంతతికి చెందిన ఆస్ట్రేలియా అమ్మాయి చంద్రిక రవి, బాలయ్యతో అదిరిపోయే స్టెప్పులేసింది. మనోభావాలు దెబ్బతిన్నాయి అంటూ ప్రోమో ఇచ్చారు. అవి ఎందుకు దెబ్బతిన్నాయో తెలుసుకోవాలంటే పాట రిలీజ్ అయ్యే వరకూ ఆగాల్సిందే అని తెలుస్తోంది.
ప్రోమో ఇంట్రెస్టింగ్ గా ఉంది. థమన్ సంగీతం కూడా బాగుంది. శేఖర్ మాస్టర్ స్టెప్పులు అదనపు ఆకర్షణ. మొత్తానికి వీరసింహారెడ్డి నుండి వస్తున్న మూడవ పాట కూడా ఛార్ట్ బస్టర్ అయ్యేలా కనిపిస్తోంది.
ఈ పాట మాస్ జనాలకు ఎక్కువ కనెక్ట్ అయ్యేలా ఉంది. ఈరోజు మధ్యాహ్నాం 3:19గంటలకు మొత్తం పాటను రిలీజ్ చేస్తామని తెలిపారు.
మైత్రీ మూవీమేకర్స్ నిర్మిస్తున్న ఈ సినిమాకు గోపీచంద్ మలినేని దర్శకత్వం వహిస్తున్నారు.