సైంధవ్ సినిమా హార్ట్ ని పరిచయం చేసిన విక్టరీ వెంకటేష్
ఈ వార్తాకథనం ఏంటి
వెంకటేష్ కెరీర్లో 75వ సినిమాగా తెరకెక్కుతోన్న సైంధవ్ సినిమాను హిట్ ఫ్రాంఛైజీ చిత్రాల దర్శకుడు డాక్టర్ శైలేష్ కొలను డైరెక్ట్ చేస్తున్న సంగతి తెలిసిందే.
ఈ సినిమా నుండి ఇప్పటివరకు చిన్నపాటి గ్లింప్స్ రిలీజైంది. అలాగే హీరోయిన్లుగా నటిస్తున్న శ్రద్ధా శ్రీనాథ్, ఆండ్రియా జర్మియా పోస్టర్లను రిలీజ్ చేసారు.
తాజాగా ఈ సినిమా నుండి మరో పోస్టర్ ని చిత్రబృందం రిలీజ్ చేసింది. సైంధవ్ సినిమాకు హృదయమైన పాత్రను విక్టరీ వెంకటేష్ పరిచయం చేసారు.
గాయత్రి పాప పాత్రలో బేబి సారా నటిస్తుందని పోస్టర్ ద్వారా వెల్లడి చేసారు. ఈ పోస్టర్ చూస్తుంటే వెంకటేష్ కూతురుగా బేబి సారా నటిస్తుందని అర్థమవుతోంది.
Details
వెంకటేష్ కెరీర్లో మొదటి పాన్ ఇండియా చిత్రం
యాక్షన్ థ్రిల్లర్ జోనర్ లో తెరకెక్కుతోన్న సైంధవ్ సినిమాను పాన్ ఇండియా రేంజ్ లో తెలుగు, తమిళం, హిందీ, కన్నడ, మళయాలం భాషల్లో రిలీజ్ చేస్తున్నారు.
వెంకటేష్ కెరీర్లో తెరకెక్కుతోన్న మొట్టమొదటి పాన్ ఇండియా చిత్రం ఇది. శరవేగంగా షూటింగ్ జరుపుకుంటున్న సైంధవ్ సినిమా, అన్నీ అనుకున్నట్లుగా కుదిరితే డిసెంబర్ 22వ తేదీన ప్రేక్షకుల ముందుకు వస్తుంది.
బాలీవుడ్ నటుడు నవాజుద్దీన్ సిద్ధిఖీ విలన్ గా కనిపిస్తున్న ఈ సినిమాలో రుహానీ శర్మ మరో హీరోయిన్ గా కనిపిస్తోంది. సంతోష్ నారయణన్ సంగీతం అందిస్తున్నాడు.