రానా నాయుడు నెగెటివిటీపై మొదటిసారిగా స్పందించిన వెంకటేష్
ఈ వార్తాకథనం ఏంటి
విక్టరీ వెంకటేష్, రానా దగ్గుబాటి కలిసి నటించిన వెబ్ సిరీస్ రానా నాయుడుపై విపరీతమైన నెగెటివిటీ వచ్చిన సంగతి తెలిసిందే.
ముఖ్యంగా ఫ్యామిలీ ఆడియన్స్ అందరికీ నచ్చే వెంకటేష్ ని రానా నాయుడులో చూసి అభిమానులంతా షాకయ్యారు.
శృతిమించిన పదజాలం, శృతి మించిన శృంగార సన్నివేశాల కారణంగా రానా నాయుడు సిరీస్ పై నెగెటివ్ రివూస్ వచ్చాయి. ఈ నెగెటివిటీపై మొదటిసారిగా విక్టరీ వెంకటేష్ స్పందించారు.
రానా తమ్ముడు అభిరామ్ హీరోగా పరిచయం అవుతున్న అహింస ప్రెస్ మీట్ లో పాల్గొన్న వెంకటేష్ ను రానా నాయుడు నెగెటివిటీపై ప్రశ్న అడిగారు.
ఆ విషయం గురించి ఇప్పుడు మాట్లాడ్డం సరైనది కాదని దాటవేసేందుకు ప్రయత్నం చేసాడు వెంకటేష్.
Details
అందరికి నచ్చేలా రానా నాయుడు సీజన్ 2
రానా నాయుడు నెగెటివిటీపై స్పందించేందుకు మొదట ఆసక్తి చూపని వెంకటేష్, ఆ తర్వాత సదరు జర్నలిస్టు మళ్ళీ అదే ప్రశ్న అడగడంతో, గతం గురించి ఆలోచించడం కంటే భవిష్యత్తులో ఏం చేయాలనేదే ఇంపార్టెంట్ అని, రానా నాయుడు నెగెటివిటీ గురించి ఇప్పుడు ఆలోచించట్లేదని అన్నారు.
అంతేకాదు, రానా నాయుడు సిరీస్ కొందరికి నచ్చలేదని కానీ రానా నాయుడు నెక్స్ట్ సీజన్ ని అందరికీ నచ్చేలా తీయడానికి ట్రై చేస్తామని చెప్పుకొచ్చారు.
నెట్ ఫ్లిక్స్ మాత్రం రానా నాయుడు సిరీస్ తో హ్యాపీగా ఉందని వెల్లడి చేసారు.
అదలా ఉంచితే, వెంకటేష్ ప్రస్తుతం సైంధవ్ అనే సినిమాలో చేస్తున్నాడు. హిట్ ఫ్రాంఛైజీ చిత్రాల దర్శకుడు శైలేష్ కొలను ఈ చిత్రాన్ని డైరెక్ట్ చేస్తున్నారు.