#VT13: యాక్షన్ ఎపిసోడ్స్ పూర్తయ్యాయంటున్న వరుణ్ తేజ్
విభిన్న కథలు ఎంచుకుంటూ వెండితెర మీద ప్రత్యేక అనుభవాన్ని ఇవ్వడానికి ప్రయత్నిస్తుంటాడు వరుణ్ తేజ్. అంతరిక్షం, కంచె వంటి చిత్రాలు అలాంటి అనుభవాన్ని ఇచ్చినవే. ఇప్పుడు తాజాగా మరోసారి మరో ప్రత్యేక అనుభవాన్ని ప్రేక్షకులకు పరిచయం చేయడానికి సరికొత్త కథతో ముందుకు వస్తున్నాడు వరుణ్ తేజ్. తన కెరీర్లో రాబోతున్న 13వ చిత్రంలో భారత వైమానిక దళం అధికారిగా సరికొత్త పాత్రలో కనిపించబోతున్నాడు. వైమానిక దళం అధికారిగా వరుణ్ తేజ్ చేసే విన్యాసాలు ప్రేక్షకులను అలరించనున్నాయట. తాజాగా ఈ చిత్రం నుంచి సరికొత్త అప్డేట్ బయటకు వచ్చింది. ఈ చిత్ర షూటింగ్ షెడ్యూల్ గ్వాలియర్ లో పూర్తయిందని సమాచారం. ఈ మేరకు హీరో వరుణ్ తేజ్, ట్విట్టర్ వేదికగా తెలియజేశాడు.
తెలుగు తెరకు పరిచయం కాబోతున్న ప్రపంచ సుందరి
ఈ సినిమాలోని తన ఫోటోని షేర్ చేసి మరీ గ్వాలియర్ లో షూటింగ్ పూర్తయిందని చెప్పుకొచ్చాడు వరుణ్ తేజ్. వైమానిక దళం ఆధ్వర్యంలో జరిగే పోరాటాలు ఇండియన్ ఏవియేషన్ డిపార్ట్ మెంట్ జరిగే సన్నివేశాలు ఆసక్తికరంగా ఉండనున్నాయని తెలుస్తోంది. తెలుగు హిందీ భాషల్లో ఒకేసారి తెరకెక్కుతోన్న ఈ సినిమాతో బాలీవుడ్ లో పరిచయం కాబోతున్నాడు వరుణ్ తేజ్. శక్తి ప్రతాప్ సింగ్ దర్శకత్వం వహిస్తున్న ఈ సినిమాలో మాజీ మిస్ యూనివర్స్ మానుషి చిల్లర్ హీరోయిన్ గా కనిపిస్తోంది. ఇదివరకు బాలీవుడ్ సినిమాలైన పృథ్వీరాజ్, టెహరాన్ చిత్రాల్లో కనిపించింది మానుషి చిల్లర్. సోనీ పిక్చర్స్ ఇంటర్నేషనల్ ప్రొడక్షన్స్ బ్యానర్లో ఈ సినిమా రూపొందుతోంది.
