వాల్తేరు వీరయ్య: మేకింగ్ వీడియోలో చిరంజీవి నుండి మరో లీక్
ఈ వార్తాకథనం ఏంటి
సంక్రాంతి సందర్భంగా థియేటర్ల వద్ద రచ్చ చేయడానికి వాల్తేరు వీరయ్య రెడీ అవుతున్నాడు. ప్రమోషన్ల జోరు చూస్తుంటే ఈ విషయం తెలిసిపోతుంది. మరికొద్ది రోజుల్లో ట్రైలర్ రిలీజ్ కానున్న నేపథ్యంలో చివరి పాటను కూడా వదిలే పనిలో ఉన్నారు.
ఈ మేరకు 5వ పాట మేకింగ్ వీడియోను సోషల్ మీడియాలో పంచుకున్నారు చిరంజీవి. ఫ్రాన్స్ లోని తులూస్ సిటీలో ఈ సాంగ్ ని చిత్రీకరించారని, అక్కడ మంచు లాంటిది లేదని కాకపోతే చలి మాత్రం ఎక్కువగా ఉందని అన్నారు.
ఆ తర్వాత, సాంగ్ కి కొరియోగ్రఫీ చేసింది శేఖర్ మాస్టర్ అనీ, స్టెప్పులు అదిరిపోయాయని చెప్పారు. దేవిశ్రీ ప్రసాద్ అద్భుతమైన సంగీతం అందించారని చెబుతూ, పాటలోని కొన్ని లైన్స్ లీక్ చేసారు చిరంజీవి.
వాల్తేరు వీరయ్య
మెరిసిపోతున్న శృతి హాసన్
నీకేమో అందం ఎక్కువ, నాకేమో తొందరెక్కువ అంటూ సాగే పాట ఆకట్టుకుంటుందని అన్నారు.
ఈ వీడియోలో శృతి హాసన్ మెరిసిపోతోంది. ఛమ్కీ స్కర్ట్ వేసుకుని స్టెప్పులు వేస్తూ అందంగా కనిపించింది. చూస్తుంటే ఈ పాటలో చిరంజీవి, శృతి హాసన్ ల మధ్య కెమిస్ట్రీ అదిరిపోతుందని అర్థం అవుతుంది.
ఫ్యాన్స్ మాత్రం థియేటర్ సీట్లలోంచి లేచి గెంతులు వేస్తారని, అంత బాగా సాంగ్ వచ్చిందని చిరంజీవి అన్నారు. మరి ఈ పాట ఎప్పుడు విడుదల అవుతుందో చూడాలి.
బాబీ కొల్లి దర్శకత్వం వహిస్తున్న ఈ సినిమాను మైత్రీ మూవీ మేకర్స్ బ్యానర్ పై నవీన్ యెర్నేని, రవిశంకర్ నిర్మిస్తున్నారు. జనవరి 13వ తేదీన థియేటర్లలోకి రానుంది.