వాల్తేరు వీరయ్య ట్విట్టర్ రివ్యూ: చిరంజీవి అభిమానులకు పూనకాలు
సంక్రాంతి సంబరాన్ని తీసుకొస్తూ వాల్తేరు వీరయ్య సినిమాతో వచ్చారు మెగాస్టార్ చిరంజీవి. ఆల్రెడీ అమెరికా నుండి సినిమా మీద రిపోర్టులు వస్తున్నాయి. ఆ రిపోర్టులు సినిమా గురించి ఏం చెబుతున్నాయో చూద్దాం. వాల్తేరు వీరయ్య మొదలు కావడమే కొంచెం నెమ్మదిగా మొదలైందని టాక్. కాకపోతే ఫస్టాఫ్ మొత్తంలో చిరంజీవి కామెడీ అదిరిపోయిందని చెబుతున్నారు. సోషల్ మీడియాలో వైరల్ అయిన కామెడీ డైలాగ్స్ ఇందులో కొన్ని కనిపించాయని ట్విట్టర్ లో పోస్టులు పెడుతున్నారు. జంబలకడి జారు మిఠాయ సాంగ్ మీద కామెడీ ఉందని, ఆద్యంతం నవ్వు తెప్పించే విధంగా ఉందని టాక్. ఫస్టాఫ్ మొత్తాంలో ఇంటర్వెల్ బ్లాక్ ఆసక్తికరంగా ఉందని, ఏనుగు మీద చిరంజీవి ఎక్కే సీన్ తాలూకు ఫోటోలను సోషల్ మీడియాలో పంచుకుంటున్నారు.
వాల్తేరు వీరయ్య సినిమాలోని మైనస్ పాయింట్లు
మైనస్ పాయింట్ల విషయానికి వస్తే క్లైమాక్స్ కి చేరుతున్న తరుణంలో ఊహించే సన్నివేశాలు ఉండడం అంతగా కిక్ ఇవ్వలేదని కొందరు అంటున్నారు. రవితేజ, మెగాస్టార్ కాంబినేషన్లో వచ్చే సీన్లు ఊహించినంతగా పేలలేదని చెబుతున్నారు. సెకండ్ హాఫ్ లో కూడా వైరల్ కామెడీ కనిపించిందని టాక్. ముఠామేస్త్రి రిఫరెన్స్ తో కూడిన సన్నివేశాలు బాగున్నాయని, పాటల్లో బాస్ పార్టీ, పూనకాలు లోడింగ్ పాటలు బాగున్నాయని అంటున్నారు. నేపథ్య సంగీతం అక్కడక్కడా బాగుందని, ఎక్కువశాతం ఒకేరకంగా అనిపించిందని సోషల్ మీడియాలో కథనాలు వస్తున్నాయి. సినిమాలో మేజర్ ప్లస్ మెగాస్టార్ చిరంజీవి అని, ఇంకా ప్రథమార్థంలోని ఇంటర్వెల్ బ్లాక్ అని అంటున్నారు. చెబుతున్నారు. చిరంజీవి అభిమానులకు నిజంగా పూనకాలు తెప్పిస్తుందని వినిపిస్తుంది.
