Yash 19 : యశ్ 19 గురించి అప్డేట్ వచ్చేసింది.. సినిమా టైటిల్ అనౌన్స్ ఎప్పుడంటే
శాండిల్ వుడ్ టాప్ హీరో యశ్ కొత్త సినిమాకు సంబంధించి అదిరిపోయే అప్టేడ్ వచ్చేసింది. ఈ మేరకు డిసెంబర్ 8న టైటిల్ ప్రకటన చేయనున్నట్లు ప్రకటన వెలువడింది. KVN ప్రొడక్షన్స్ నిర్మాణంలో రూపుదిద్దుకుంటున్న ఈ సినిమా పేరును ఉదయం 9.55 గంటలకు ప్రకటించనున్నామని చిత్ర నిర్మాణ బృందం వెల్లడించింది. ఇదే సమయంలో కేజీఎఫ్(KGF) సినిమాలతో ప్రపంచవ్యాప్తంగా భారీ క్రేజ్, మాస్ ఫాలోయింగ్'ని యశ్ సొంతం చేసుకున్నాడు. కేజీఎఫ్ 2 తర్వాత యశ్ చేయనున్న మూవీపైనే సర్వత్రా ఆసక్తి నెలకొంది. అయితే ఆ సినిమా వచ్చి ఏడాది గడుస్తున్నా మరో కొత్త ప్రాజెక్టు పేరు అనౌన్స్ చేయలేదు. మలయాళ డైరెక్టర్ గీతూ మోహన్ దాస్, యశ్ 19కు దర్శకత్వం వహించనున్నట్లు సమాచారం.