Himachal Pradesh: కళ్లముందే కూలిపోయిన 5 అంతస్తుల భవనం.. వీడియో వైరల్
హిమాచల్ ప్రదేశ్‌ రాజధాని సిమ్లాలో 5 అంతస్తుల భవనం కుప్పకూలింది. ఈ ఘటన శనివారం మధ్యాహ్నం 1 గంట ప్రాంతంలో జరిగింది. భవనం కూలిన వీడియో సోషల్ మీడియాలో వైరల్‌గా మారింది. అయితే ఈ ఘటన సమయంలో భవనంలో ఎవరూ లేరు. ఈ సంఘటన సిమ్లాకు 20 కిలోమీటర్ల దూరంలోని ధామిలో జరిగింది. 205వ జాతీయ జాతీయ రహదారిపై ఈ ఘటన జరిగింది. భవనం కూలిపోవడంతో రహదారి కూడా దెబ్బతిన్నది. దీంతో ట్రాఫిక్‌కు అంతరాయం ఏర్పడింది. వారం రోజుల క్రితం భవనంలో పగుళ్లు ఏర్పడ్డాయి. దీంతో ప్రమాదం దృష్ట్యా భవనాన్ని ఖాళీ చేయించారు.
