Group-1: గ్రూప్-1 పిటిషన్లపై విచారణ నవంబర్ 26కు వాయిదా
హైకోర్టులో గ్రూప్-1 నోటిఫికేషన్‌పై దాఖలైన పిటిషన్లను బుధవారం పరిశీలించింది. విచారణ అనంతరం, తదుపరి విచారణను నవంబర్ 26వ తేదీకి వాయిదా వేసింది. ఈ సందర్భంగా జీవో-29, ట్రాన్స్‌జెండర్ రిజర్వేషన్లు, లోకల్, నాన్-లోకల్ అంశాలపై దాఖలైన పిటిషన్లను హైకోర్టు డివిజన్ బెంచ్ పరిశీలించింది. పిటిషన్ల తరపున అడ్వకేట్లు, కోర్టు తీర్పు వెలువడే వరకు గ్రూప్-1 ఫలితాలను విడుదల చేయొద్దని కోరారు, దీనిపై న్యాయమూర్తులు అంగీకరించారు. అయితే, అన్ని పిటిషన్లను కలిపి ఒకేసారి విచారణ జరుపుతామని న్యాయమూర్తులు తెలిపారు. అలాగే, ఈ కేసులపై వాదనలు నవంబర్ చివరి వారంలో ముగించాలని కోర్టు సూచించింది.
కౌంటర్ దాఖలకు ప్రభుత్వ అడ్వకేట్లు సిద్ధంగా ఉండాలి
పిటిషన్లపై కౌంటర్ దాఖలు చేయడానికి ప్రభుత్వ తరపున అడ్వకేట్లు సిద్ధంగా ఉండాలని న్యాయమూర్తులు ఆదేశించారు. పిటిషనర్ల తరఫున అడ్వకేట్ సుధీర్‌కు కూడా వాదనలు వినిపించేందుకు అవకాశమిస్తామని న్యాయమూర్తులు స్పష్టం చేశారు.
