భటిండా మిలిటరీ క్యాంపు; జవాన్లపై కాల్పులు జరిపింది ఎవరు? రైఫిల్ ఎక్కడ?
ఈ వార్తాకథనం ఏంటి
భటిండా ఆర్మీ క్యాంపులో కాల్పులు జరిగిన నలుగు జవాన్లు మరణించిన ఘటనకు సంబంధించిన వివరాలను బుధవారం సూపరింటెండెంట్ ఆఫ్ పోలీస్ (ఇన్వెస్టిగేషన్) అజయ్ గాంధీ వెల్లడించారు.
పంజాబ్‌లోని ఆర్మీ క్యాంపులోని బ్యారక్‌ వైపు నుంచి నిద్రిస్తున్నజవాన్లపై గుర్తు తెలియని వ్యక్తులు కాల్పులు జరిపినట్లు ఆయన తెలిపారు.
సివిల్ డ్రెస్‌లో ఉన్న ఇద్దరు వ్యక్తులు ఈ కాల్పులకు పాల్పడ్డారని భావిస్తున్నట్లు అజయ్ గాంధీ పేర్కొన్నారు.
భటిండా మిలిటరీ స్టేషన్ ఘటనపై విచారిస్తున్న పోలీసు బృందానికి గాంధీ నాయకత్వం వహిస్తున్నారు.
ఘటనా స్థలం నుంచి 19 ఇన్సాస్ రైఫిల్ ఖాళీ షెల్స్‌ను స్వాధీనం చేసుకున్నట్లు ఆజబ తెలిపారు.
పంజాబ్
ఆర్మీ క్యాంపులో కొనసాగుతున్న కూంబింగ్ ఆపరేషన్
రెండు రోజుల క్రితం మిస్ అయిన 28రౌండ్ల బుల్లెట్లతో కూడిన ఐఎన్ఎస్ఏఎస్ రైఫిల్‌కు ఈ కేసుకు ఏమైనా సంబంధం ఉందా అనే కోణంలో విచారిస్తున్నట్లు అజయ్ గాంధీ చెప్పారు.
ఆర్మీ క్యాంపులో నలుగు జవాన్లు చనిపోయి 12 గంటలు దాటినప్పటికీ, కాల్పులు జరిపిన దుండగులను ఇప్పటికి వరకు గుర్తించలేదు. అలాగే కాల్పులు జరిపిన రైఫిల్ ఎవరిది? అది ఎక్కడ ఉందనేది ఇకా అంతు చిక్కడం లేదు.
ఆర్మీ క్యాంపులో కూంబింగ్ ఆపరేషన్ ఇంకా కొనసాగుతోంది. ఆర్మీ, జిల్లా పోలీసులు క్లూల కోసం సీసీటీవీని పరిశీలిస్తున్నారు.
భటిండా ఆర్మీ క్యాంపులో జరిగిన కాల్పుల వెనుక ఉగ్రకోణాన్ని ఎస్ఎస్‌పీ గుల్నీత్ ఖురానా ఖండించారు. ఈ సంఘటన క్యాంపస్‌లో జరిగిందని తెలిపారు.