తదుపరి వార్తా కథనం
KRMB: కృష్ణా నదీ జలాల పంపిణీ విషయంలో ఆంధ్రప్రదేశ్ ప్రభుత్వానికి బిగ్ రిలీఫ్
వ్రాసిన వారు
Sirish Praharaju
Jan 16, 2025
05:15 pm
ఈ వార్తాకథనం ఏంటి
కృష్ణా నదీ జలాల పంపిణీ విషయంలో ఆంధ్రప్రదేశ్ ప్రభుత్వానికి ఎంతో బిగ్ రిలీఫ్ లభించింది. కృష్ణా నదీ జలాల ట్రైబ్యునల్ ఈ అంశంలో ఏపీ వాదనలను సమర్థించింది. 2023 ఆర్డినెన్స్ ప్రకారం నీటి కేటాయింపులపై వాదనలు విడివిడిగా వినేందుకు ట్రైబ్యునల్ అంగీకరించింది. ఫిబ్రవరి 19, 20, 21 తేదీల్లో మూడు రోజులపాటు రాష్ట్రాల వాదనలను ట్రైబ్యునల్ పరిశీలించనుంది. మొదటగా, విభజన చట్టంలోని సెక్షన్ 89 ప్రకారం ప్రాజెక్టుల వారీగా నీటి కేటాయింపులపై వాదనలు వినిపించబడ్డాయి. ఏపీ 811 టీఎంసీలలో తన వాటాగా 512 టీఎంసీలను కొనసాగించాలనే వాదనతో ముందుకొచ్చింది, దీనికి ట్రైబ్యునల్ అనుమతి తెలిపింది. అయితే, ఈ మొత్తం నీటిలో తెలంగాణకు 299 టీఎంసీలే దక్కుతాయని ఏపీ తరపున వాదనలు వినిపించబడ్డాయి.