Telangana : బీఆర్ఎస్కు షాక్.. హస్తం గూటికి చేరనున్న ఎమ్మెల్సీ కశిరెడ్డి నారాయణరెడ్డి
ఈ వార్తాకథనం ఏంటి
తెలంగాణలో మరో గులాబీ పార్టీకి మరో షాక్ తలిగింది. ఈ మేరకు అధికార పార్టీ బీఆర్ఎస్కు ఎమ్మెల్సీ కశిరెడ్డి నారాయణ రెడ్డి రాజీనామా చేశారు.
తనకు ఎమ్మెల్సీ పదవి ఉన్నప్పటికీ ప్రజలకు నేరుగా సేవ చేయలేకపోతున్నట్లు వాపోయారు. బీఆర్ఎస్ ఎమ్మెల్సీ పదవితో ప్రజలకు చేరువకాలేకపోతున్నట్లు చెప్పారు.
ఈ క్రమంలోనే బీఆర్ఎస్ పార్టీకి గుడ్ బై చెప్పేశానన్నారు. కల్వకుర్తి నియోజకవర్గం కార్యకర్తల అభీష్టం మేరకే పార్టీ వీడినట్లు తెలిపారు.
త్వరలోనే ఎమ్మెల్సీ పదవిని వదిలేసి కాంగ్రెస్ పార్టీలో చేరబోతున్నట్లు వివరించారు. కల్వకుర్తి అసెంబ్లీ బరిలో దించడం, దించకపోవడం కాంగ్రెస్ అధిష్టానం నిర్ణయమేనన్నారు.
details
టీపీసీసీ ప్రెసిడెంట్ రేవంత్ రెడ్డితో కశిరెడ్డి భేటీ
మరోవైపు ఆదివారం ఉదయం కశిరెడ్డి నారాయణ రెడ్డి టీపీసీసీ చీఫ్ రేవంత్ రెడ్డితో భేటీ అయ్యారు. టీపీసీసీ ఉపాధ్యక్షులు మల్లు రవి, కసిరెడ్డి నారాయణ రెడ్డితో కలిసి కీలక సమావేశం నిర్వహించారు.
కల్వకుర్తి అసెంబ్లీ బరిలో కశిరెడ్డి నారాయణ రెడ్డిని బరిలోకి దింపేందుకు కాంగ్రెస్ అధిష్టానం గ్రీన్ సిగ్నల్ ఇచ్చినట్లు తెలుస్తోంది. టిక్కెట్ ఖరారు కావడంంతోనే నారాయణ రెడ్డి రేవంత్ రెడ్డిని కలిసినట్లు సమాచారం.
తొలుత కశిరెడ్డి బీఆర్ఎస్ కల్వకుర్తి నుంచే ఎన్నికల్లో బరిలోకి దిగాలని అనుకున్నారు. సీఎం కేసీఆర్ ప్రకటించిన అభ్యర్థుల జాబితాలో ఎమ్మెల్యే జైపాల్ యాదవ్ కే మరోసారి పట్టం కట్టారు.దీంతో జైపాల్ తో కసిరెడ్డికి విబేధాలు తీవ్రమయ్యాయి.
2018లోనే పోటీ చేయాలని భావించినా అవకాశం రాకపోవడంతో ఎమ్మెల్సీగా ఎన్నికయ్యారు.