Swati Sachdeva: స్టాండప్‌ షోలలో హద్దులు దాటుతున్న కామెడీ.. స్వాతి సచ్‌దేవా వివాదాస్పద వ్యాఖ్యలు
ఈ వార్తాకథనం ఏంటి
స్టాండప్‌ కమెడియన్‌ స్వాతి సచ్‌దేవా (Swati Sachdeva) తన తాజా వ్యాఖ్యలతో సోషల్‌ మీడియాలో తీవ్ర విమర్శలను ఎదుర్కొంటున్నారు. ఓ షోలో, తల్లి ముందు తనతో జరగకూడని సంఘటనపై మాట్లాడినట్లు పేర్కొన్న ఆమె వ్యాఖ్యలపై నెటిజన్లు ఆగ్రహం వ్యక్తం చేస్తున్నారు. ఈ క్లిప్‌ వైరల్‌ కావడంతో, ఇటువంటి అనుచిత కామెడీని ప్రోత్సహించకూడదని డిమాండ్ చేస్తూ పలువురు మండిపడుతున్నారు. ఇది మేము ఎప్పుడూ చూడని అత్యంత భయంకరమైన కామెడీలలో ఒకటి" అని ఓ నెటిజన్‌ కామెంట్‌ చేయగా, "నవ్వించడానికి అసభ్యకరమైన విషయాలను ఎంచుకోవడం సిగ్గుచేటు అని మరొకరు పేర్కొన్నారు. స్టాండప్‌ కమెడీ హద్దులు దాటుతోందని, ఇటువంటి కంటెంట్‌ను ప్రోత్సహించకూడదని సోషల్‌ మీడియాలో పెద్ద ఎత్తున చర్చ జరుగుతోంది.
Details
రణ్‌వీర్‌ అలహాబాదియా, కునాల్‌ కమ్రా వ్యాఖ్యలపై తీవ్ర దుమారం
ఇటీవల 'ఇండియాస్‌ గాట్‌ లాటెంట్‌' వేదికగా యూట్యూబర్‌ రణ్‌వీర్‌ అలహాబాదియా (Ranveer Allahbadia) చేసిన వ్యాఖ్యలు తీవ్ర విమర్శలకు గురయ్యాయి. ఈ వ్యాఖ్యలపై పలువురు ప్రముఖులు తీవ్రంగా స్పందించడంతో, అతడిపై పలు కేసులు నమోదయ్యాయి. అలాగే స్టాండప్‌ కమెడియన్‌ కునాల్‌ కమ్రా (Kunal Kamra) మహారాష్ట్ర డిప్యూటీ సీఎం ఏక్‌నాథ్‌ శిందే (Eknath Shinde)పై వివాదాస్పద వ్యాఖ్యలు చేయడంతో ఆయనపై కేసులు నమోదయ్యాయి.
Details
కంటెంట్ నియంత్రణపై డిమాండ్
ఈ తరహా ఘటనలు పెరుగుతుండటంతో, స్టాండప్‌ కమెడీలో హద్దులు తప్పుతున్నాయంటూ పలువురు ఆందోళన వ్యక్తం చేస్తున్నారు. ఇటువంటి అనుచిత వ్యాఖ్యలను నియంత్రించేందుకు ప్రభుత్వం కఠిన చర్యలు తీసుకోవాలని డిమాండ్ చేస్తున్నారు. సమాజంలో సంస్కృతిని కాపాడేందుకు కంటెంట్‌పై నియంత్రణ అవసరమని, స్టాండప్‌ షోలలో ఇలాంటి వ్యాఖ్యలకు తావివ్వకూడదని నెటిజన్లు అభిప్రాయపడుతున్నారు.